Zwjazkowe předsydstwo (ZP) Domowiny je we wokolnym wothłosowanju namjet prezidij sćěhowało, dobu za zapodaće kandidaturow ze Sakskeje za přichodnu wólbnu periodu załožboweje rady hač do srjedy, 30.11.22, podlěšić. Wólby chce ZP na wurjadnym posedźenju 13. wulkeho róžka/januara 2023 přewjesć. Dotal je so pjeć kandidatow přizjewiło, pytani pak su znajmjeńša wosmjo, zo bychu wšě městna štyrjoch rjadnych a štyrjoch zastupowacych serbskich čłonow ze Sakskeje wobsadźić móhli.

Dotalni załožbowi radźićeljo změja na wuradźowanju ZP w Serbskim ludowym ansamblu 25.11. składnosć, wo swojej dźěławosći rozprawjeć. 

Adresy za zapodaće kandidaturow: pak sekretariat@domowina.de pak Domowina, Póstowe naměsto 2, 02625 Budyšin. Namołwa https://www.domowina.de/hsb/aktualnosce/translate-to-hsb-aufruf-zur-einreichung-von-vorschlaegen-fuer-stiftungsratswahl měri so drje prěnjotnje na serbske cyłki, ale tež jednotliwcy móža so požadać. Za kandidaturu maja zapodać wupjelnjeny naprašnik https://www.domowina.de/fileadmin/Assets/Domowina/Mediathek/Material_Domowina_NEWS_Anlagen/2022_09_09_naprasnik_za_kandidatow_ZR.pdf , wopodstatnjenje kandidatury a swoje wobsahowe ćežišća (maks. jednu A-4-stronu). Wuměnjenja za kandidatury a wólby je Domowina we wólbnym porjedźe zrjadowała: https://www.domowina.de/fileadmin/Assets/Domowina/Mediathek/Dokumente/2022_wolbny_porjad_ZR_-_2023-2027.pdf 

W Braniborskej Rada za serbske naležnosće zastupjerjow serbskeho ludu z kraja pomjenuje, w Sakskej je to nadawk zwjazkoweho předsydstwa.