Domowina je loni organizowała naprašowanje čłonow wšěch serbskich towarstwow a zwjazkow. Wuslědki předleža nětko w ćišćanej formje a su so delegatam a hosćom 19. hłowneje zhromadźizny Domowiny přepodali. Nětko dokumentacija wuslědkow naprašowanja tež digitalnje předleži. Zajimcy namakaja ju na web-stronje Domowiny w mediatecy pod linkomhttps://www.domowina.de/fileadmin/Assets/Domowina/Mediathek/Nasa_Domowina/NasaDomowina_2019_01.pdfPředsyda Domowiny Dawid Statnik praji: “Budźemy so z wuslědkami w detailu zaběrać, zo bychmy našu dźěławosć dale a lěpje po potrjebach našich čłonow a serbskeho luda wusměrili.” Na hłownej zhromadźiznje dnja 30. měrca w Chrósćicach je awtorka dokumentacije dr. Judith Jahnowa hłowne wuslědki předstajiła a dalše wuhódnoćenje doporučiła.