Předsyda Domowiny, Dawid Statnik, gratuluje Serbskemu Sokołej k dźensnišej 100. róčnicy załoženja:„Tradicionelne hesło Sokoła ,W strowym ćěle tči strowy duch’  je runje w našim času za derjeměće ludnosće dale a wažniše. My sej angažement Sokoła za słowjansku wzajomnosć jara wažimy, štož ma za nas Serbow – mostytwarcow mjez zapadom a wuchodom – eksistencielny wuznam. Zo su so Serbja wospjet wuspěšnje na Europeadźe wobdźělili, je tohorunja zasłužba Sokoła.Tež sport móže wulku rólu při zdźerženju a dalšim wuwiću našeho naroda hrać. Tohohodla smy Sokołej za wozrodźenje tuteje tradicije po přewróće, mnohe zarjadowanja a wjele prócy na tutym polu dźakowni. Ze swojimi aktiwitami woni wjele ludźi zawjeseleja. Přejemy Sokołej a jeho starosće Milanej Funce dale spomóžne skutkowanje do přichoda – w tutym zmysle: Sportej a narodej zdar!”