Regionalne rěčnicy a referenća Domowiny su z wuradźowanjom w Choćebuskim Serbskim domje lětušu zhomadnu dźěławosć zahajili. K temam słušeše lěpše mjezsobne wothłosowanje a wuměna terminow z pomocu digitalizacije. Lětsa přehladna karta wo župach, Domowinskich skupinach a serbskich towarstwach w digitalnej a ćišćanej formje wuńdźe. Nimo toho so Domowina na zdźěłanju wodźaceho wobraza strategiskich dypkow za wjacerěčny modelowy region Łužicy wosrjedź Europy w ramiku dźěłarnički „přichod Łužicy” wobdźěla.K tomu Marko Kowar, jednaćel Domowiny, praji: „Naše měsačne dźěłowe zetkanja su wuraz toho, zo je třěšny zwjazk kruće w praktiskim serbskim žiwjenju regionow zakótwjeny. My kulturu niskeje hierarchije a partnerskeho zhromadneho dźěła pěstujemy. Runje w času změny struktury je wažne, zo su Serbja jako aktiwny dźěl cyłeje towaršnosće zjawnje stajnje prezentni. Tohodla chcemy tež na wuspěchi lońšeho wubědźowanja ,Čiń sobu’ a Braniborske wubědźowanja „serbski pśichod: Łužica” nawjazać a wotpowědnym iniciatiwam poboku być.