Póndźelu, 10.1., zetka so kulturny wuběrk Domowiny k prěnjemu razej w nowej wólbnej dobje. Wo wuslědkach informuje Clemens Škoda, kulturny referent třěšneho zwjazka, po wuradźowanju gremija, kotrež su digitalnje přewjedli:

Zdobom běše to tež skonstituowace posedźenje a tak wuzwoli so nowy čłon zwjazkoweho předsydstwa Feliks Ričel, pochadźacy z Njebjelčic, jako předsyda wuběrka jednohłósnje. Jemu poboku staj Franciska Grajcarekec a Jan Bělk, kotrajž přewozmjetaj funkciju městopředsydki/dy.

Wuběrk chce dopomhać, směrnicy Domowiny we wobłuku kultury sobu zwoprawdźić a zwjazkowe předsydstwo z poradu podpěrać. Wosebje wobsahowy přewod při projekće „Lawske hrebje” a temomaj serbske kulturne herbstwo a „2022 - Lěto Zejlerja a Kocora” staja sej čłonojo wuběrka na agendu swojeje dźěławosće.

Předstajenje Feliksa Ričela do wólbow do zwjazkoweho předsydstwa Domowiny:

https://domowina.blog/2021/05/16/kandidatury-2021-feliks-ricel/