Ze swjatočnosću při pomniku Korle Awgusta Kocora w Zahorju skónči Domowina – Zwjazk Łužiskich Serbow rjad zarjadowanjow pod titulom “Lěto Zejlerja a Kocora”.

Nimo předsydy Domowiny Dawida Statnika witaše tež wjesnjanosta gmejny Budestecy Markus Michał něhdźe 60 přitomnych.

Marka Cyžowa přednošowaše w mjenje Maćicy Serbskeje wo wosobje, žiwjenju a skutkowanju Kocora, kotryž so dnja 03. decembra 1822 w Zahorju blisko Budestec narodźi.

Projektowy chór pod nawodom Friedemanna Böhme zarjadowanje z twórbami Kocora wobrubi. Chór wobsteješe z kwartetow a dwójnych kwartetow 1. Serbskeje kulturneje brigady, chórow Budyšin a Bratrowstwa, chóra Meje a chóra Lipy, kaž tež Chróšćan cyrkwinskeho chóra.

Składnostnje jubileja połožištej předsyda Domowiny Dawid Statnik a Hilža Mehrowa, amtěrowaca županka župy Jan Arnošt Smoler, Budyšin wěnc při pomniku.

Něhdźe 30 zarjadowanjow a cyły rjad dalšich podawkow wěnowaše so w jubilejnym lěće spominanju 150. posmjertnin Handrija Zejlerja a 200. narodnin Korle Awgusta Kocora.

Wjeršk lěta bě bjezdwěla Serbski spěwanski swjedźeń, kotryž wotmě so 29.10.2022 w Budyskej Krónje. Wjac hač 350 spěwarkow a spěwarjow z cyłkownje štyrnaće chórow a spěwarskich ćělesow pod wuměłskim nawodom Friedemanna Böhme zaspěwa zhromadnje syłu Zejlerowych a Kocorowych twórbow a swjećeše wótčincow a jeju skutkowanje na čestne wašnje. Zarjadowanje nawjaza na prěnje spěwanske swjedźenje, na kotrychž nastaću ma Kocor wulki podźěl.

Statnik po zarjadowanju: “Lěto móžemy přewšo spokojni a z pozitiwnym facitom zakónčić. Wothłós na cyły rjad zarjadowanjow běše přewšo dobry. Temowe lěto podpěraše wosebje tež hladajo na wobmjezowanja za čas corony w poslednim času chórowe hibanje we Łužicy znowa wozrodźić. Dźakuju so wšitkim čestnohamtsce a hłownohamtsce skutkowacym, kotrež su so wo poradźenje tutoho zhromadneho projekta starali. Smy z tym spominanje na Kocora a Zejlerja znowa skrućili a k nahladnosći serbskeho ludu přinošowali. Njech wostanje nam tute lěto w pomjatku jako znamjo našeje dobreje a skutkowneje serbskeje zhromadnosće.”

Zejler-Kocor-Jahr würdig beendet

Mit einer Feierlichkeit am Denkmal zu Ehren Korla Awgust Kocor in Berge/Zahor (Gemeinde Großpostwitz/Budestecy) beendete die Domowina – Bund Lausitzer Sorben seine Veranstaltungsreihe unter dem Titel " Zejler-Kocor-Jahr".

Neben dem Domowina-Vorsitzenden Dawid Statnik begrüßte auch der Bürgermeister der Gemeinde Großpostwitz Markus Michauk die ca. 60 Anwesenden.

Marka Cyžowa referierte im Namen der Maćica Serbska zur Person, zum Leben und zum Wirken von Kocor, welcher am 03.12.1822 in Berge nahe Großpostwitz geboren wurde.

Der Projektchor unter der Leitung von Friedemann Böhme umrahmte die Veranstaltung mit Werken von Kocor. Der Chor bestand aus Quartetten und Doppelquartetts der Ersten Sorbischen Kulturbrigade, den Chören Bautzen und Bratrowstwo, des Chores Meje und des Chores Lipa, sowie des Crostwitzer Kirchenchors.

Anlässlich des Jubiläums legten der Domowina-Vorsitzende Dawid Statnik und Hilža Mehrowa, die amtierende Vorsitzende des Regionalverbandes Jan Arnošt Smoler, Bautzen einen Kranz am Denkmal nieder.

Rund 30 Veranstaltungen und eine ganze Reihe weiterer Ereignisse widmete sich im Jubiläumsjahr dem 150. Todestag von Handrij Zejler und dem 200. Geburtstag von Korla Awgust Kocor.

Der Höhepunkt des Jahres war zweifellos das Sorbische Gesangsfest, welches am 29.10.2022 in der Bautzener Krone stattfand. Über 350 Sängerinnen und Sänger aus insgesamt vierzehn Chören und Gesangskörpern unter der künstlerischen Leitung von Friedemann Böhme sangen gemeinsam eine Vielzahl der Werke, Zejlers und Kocors. Die Veranstaltung knüpfte an die ersten sorbischen Gesangsfeste an, an deren Entstehung Kocor einen großen Anteil hat.

Statnik nach der Veranstaltung: "Wir können das Festjahr zufrieden und mit einem positiven Fazit beenden. Die Reaktionen auf eine ganze Reihe von Veranstaltungen waren überaus gut. Auch Hinsichtlich der Einschränkungen in der Zeit der Corona-Pandemie half das Themenjahr die sorbische Chorbewegung in der Lausitz wiederzubeleben. Ich danke allen ehrenamtlich und hauptamtlich Tätigen, die sich um das Gelingen dieses gemeinsamen Projektes gekümmert haben. Wir haben damit das Gedenken an Kocor und Zejler erneut gestärkt und zum Ansehen des sorbischen Volkes beigetragen. Möge uns dieses Jahr im Gedächtnis als Zeichen unserer guten und wirksamen sorbischen Gemeinschaft bleiben."