Nawjazujo na nazymske koncerty přewjedźe Domowina – Zwjazk Łužiskich Serbow tež lětsa zaso rjad koncertow.  Wot 15. septembra hač do 19. nowembra 2024 wotměwaja so cyłkownje 12 nazymskich koncertow w Hornjej a Delnjej Łužicy. Z mnohostronskej měšeńcu chórowych a instrumentalnych přinoškow, live-hudźbu abo wustupow rejwanskich skupin slubi lubi rjad zarjadowanjow tež lětsa zaso wotměnu za wopytowarjow. Zaměr nazymskich koncertow je, mnohotnosć Łužicy pokazać a móžnosć zetkanja a wuměny skićić. Přehlad koncertow sćelu Wam w přiłoze.

Zašłe lěto běchu koncerty woblubowane, přićahowachu na 1000 wopytowarjow. Tež lětsa prócuje so Domowina zaso, samsne ličby wopytowarjow docpěć a na lońšich wuspěch nawjazać. Do rjadu słušatej tež dwaj nalětnjej koncertaj lětsa w měrcu a w meji. Załožba za serbski lud koncerty spěchuje. Přehlad koncertow namakaće tu (změny móžne): Kulturna protyka zarjadowanjow (sorben.com) 

Kontakt

Kathrin Młynkowa, projektna managerka

tel. +49 35796 96210

kathrin.mlynkowa@domowina.de