Po wjace hač jednym lěće pytanja za referentom za komunalne, gremijowe a ministerialne naležnosće móže so tute městno znowa wobsadźić. Na dźensnišim 12. rjadnym posedźenju zwjazkoweho předsydstwa w Domowinskim domje we Wojerecach je gremij přistajenju Feliksa Ričela přihłosował. Wot 1. oktobra budźe wón jako referent w Choćebuzu dźěłać.

Feliks Ričel, pochadźacy z Njebjelčic, je politiske hospodarstwo a zarjadnistwo studował. Tuchwilu dźěła w Serbskim instituće jako projektny manager. Z lěta 2021 sem skutkuje wón jako čłon Zwjazkoweho předsydstwa Domowiny a nawjeduje wuběrk za kulturu a wuměłstwo.

Nimo toho je zwjazkowe předsydstwo wólbny porjad za wuzwolenje 4. serbskeho naměstnika ze Swobodneho stata Sakska do Rady Załožby za serbski lud za dobu 2023-2027 schwaliło a čłonow wólbneho wuběrka powołało. Su to Křesćan Korjeńk, Petra Šwejdźina a Leńka Thomasowa. Hač do 31. julija je zjawnosć namołwjena, kandidatow za wólby namjetować. Tute wotměja so 22. septembra w Slepom. 

Dale je zwjazkowe předsydstwo přihot přichodneho financneho zrěčenja Załožby za serbski lud wot 2026 zahajiło. Direktor Załožby za serbski lud, Jan Budar, je wo zakładach jednanjow financowanja přednošował.

Přichodna hłowna a zdobom wólbna zhromadźizna přewjedźe so 05.04.2025 na teritoriju župy “Jan Arnošt Smoler” Budyšin.

Stelle des Referenten neu besetzt

Über ein Jahr lang war die Stelle des Referenten für Gremienarbeit und ministerielle Angelegenheiten unbesetzt. Auf der heutigen 12. Bundesvorstandssitzung im Domowina-Haus in Hoyerswerda konnte diese mit Felix Rietschel neu besetzt werden. Ab dem 1. Oktober wird er als Referent in Cottbus arbeiten.

Felix Rietschel, in Nebelschütz geboren, hat Wirtschaftswissenschaften und Verwaltung studiert. Derzeit arbeitet er als Projektmanager im Sorbischen Institut. Seit 2021 ist er Mitglied des Bundesvorstands der Domowina und leitet den Ausschuss für Kultur und Kunst.

Außerdem hat der Bundesvorstand die Wahlordnungfür die Wahl des 4. sorbischen stellvertretenden Mitgliedes aus Sachsen in den Stiftungsrat 2023-2027 verabschiedet und drei Mitglieder in den Wahlausschuss berufen. Bis zum 31. Juli ist die Öffentlichkeit aufgerufen, Kandidaten für die Wahl vorzuschlagen. Die Wahlen finden am 22. September in Slepo/Schleife statt.

Der Bundesvorstand hat den Termin der nächsten Hauptversammlung, welche gleichzeitig eine Wahlversammlung ist, festgelegt. Die nächste Hauptversammlung findet am 05.04.2025 auf dem Territorium des Regionalverbandes “Jan Arnošt Smoler” Budyšin/Bautzen statt.