Dnja 30. měrca wot 9 hodź. wuradźuja w “Jednoće” w Chrósćicach, Hórnikowa 34, delegaća 19. hłowneje zhromadźizny Domowiny. Na zjawne zetkanje najwyšeho gremija zwjazka łužiskich Serbow wočakuja něhdźe 190 delegatow ze wšěch župow a towarstwow. Domowina ma něhdźe 7.400 čłonow. Woni su w 5 župach a w 13 nadregionalnych specifiskich towarstwach organizowani. Hłowna zhromadźizna je zjawna a zajimcy su wutrobnje witani.Akreditowanje žurnalistowŽurnalistow a zastupjerjow medijow, kiž chcedźa so wobdźělić, prosymy wutrobnje wo přizjewjenje pola nowinskeje rěčnicy Domowiny hač do 22.03.2019. Rady móžeće za to přihotowanu wotmołwu wužiwać (w přiłoze), tola tež mejlka (presse@domowina.de) abo telefonat (03591 550-202) dosahatej.Download PDF-dokument
Download MS-Word-dokumentWotběhPo konstituowanju su předwidźane postrowne słowa społnomócnjeneho zwjazkoweho knježerstwa za prašenja wusydlencow a narodne mjeńšiny dr. Bernda Fabritiusa, sakskeho ministerskeho prezidenta Michaela Kretschmera, krajneho radu wokrjesa Budyšin Michaela Hariga a wjesnjanosty hosćićelskeje gmejny Marko Klimana. Rozprawu zwjazkoweho předsydstwa přednjese předsyda Domowiny Dawid Statnik. Přizamknje so předstajenje hłownych wuslědkow lońšeho naprašowanja wšěch serbskich towarstwow a zwjazkow. K tomu porěči dr. Judith Jahn, kiž je naprašowanje w nadawku Domowiny wuhódnoćiła.Popołdnju předstaji so serbske młodźinske hibanje Hornjeje Łužicy. Wažna tema je předstajenje, diskusija a schwalenje naćiska dźěłowych směrnicow Domowiny za dobu hač do přichodneje hłowneje zhromadźizny 2021. A nic naposledk je předwidźane, zo přiwozmje so towarstwo z Łuchowa/Lüchow (Wendland) – Wendischer Freundes- und Arbeitskreis e. V. doskónčnje jako asociěrowany čłon Domowiny. Dnjowy porjad namakaće pod tutym linkom jako pdf.Delegatne mapyW přihotach na 19. hłownu zhromadźiznu Domowiny předleži nětko delegatna mapa. Wona je tež za zjawnosć přistupna na webstronje Domowiny pod linkom: https://www.domowina.de/domowina/hauptversammlung/19-hauptversammlung-2019/delegiertenmappe/.Delegatna mapa wobsahuje wobšěrnu rozprawu Zwjazkoweho předsydstwa Domowiny wo dźěławosći třěšneho zwjazka wot 2017 do 2019. Po wuprajenjach ke skutkowanju zwjazkoweho předsydstwa, jeho prezidija a jeho wuběrkow slěduje wotličenje zwoprawdźenja dźěłowych směrnicow za mjenowanu dobu.W mapje je dale naćisk dźěłowych směrnicow Domowiny za dobu hač do 20. wólbneje hłowneje zhromadźizny w lěće 2021 zakótwjeny, za kotryž su wuběrki zwjazkoweho předsydstwa kaž tež župy a sobustawske towarstwa/zwjazki namjety zapodali.Informaciski material, kaž na přikład přehlad serbskich zastupjerjow w rozsudźacych a poradźowacych gremijach mapu skulojći. Z přećelnymi postrowami/Mit freundlichen GrüßenBorbora Felberowa/Bärbel Felbernowinska rěčnica/Pressesprecherin,
wosobinska referentka předsydy/pers. Referentin des VorsitzendenDomowina z. t./Domowina – Bund Lausitzer Sorben e. V.
Póstowe naměsto 2/Postplatz 2, 02625 Budyšin/Bautzen
tel. +49 3591 550-202 presse@domowina.dehttps://www.facebook.com/nowinska.recnica