Česćene knjenje, česćeni knježa, lube koleginy a kolegojo,

přeprošamy Was wutrobnje na nowinarsku rozmołwu wutoru, dnja 11.12.2018, 9.30 hodź. w Serbskim domje w Budyšinje.

Předsyda Domowiny Dawid Statnik a předsydka wuběrka za zjawnostne a lobbyjowe dźěło chcetaj Wam hłowne wuslědki naprašowanja čłonow wšěch serbskich towarstwow a zwjazkow předstajić.

Naprašowanje je so nazymu, hač do 14. oktobra, přewjedło. Wjace hač 1000 ludźi je anonymny naprašnik pak digitalnje, pak na papjerje wupjelniło. Agentura Methodenberatung Jahn podłožki tuchwilu wuhódnoća.

Wjeselimy so na Waše wobdźělenje na nowinarskej rozmołwje. Prošu zdźělće nam hač do 10.12.2018, hač so wobdźěliće, wutrobny dźak.