Prezidij Domowiny na swojim posedźenju srjedu wječor we Wojerecach wobzamkny, zo so předsyda Dawid Statnik w mjenje třěšneho zwjazka na digitalnej zhromadźiznje delegatow FUEN 24. oktobra wobdźěli. Rozsud wo hłownej zhromadźiznje pandemije dla hišće doskónčny njeje Za klětušu hłownu a wólbnu zhromadźiznu Domowiny w Slepom rozsudźi so prezidij, zwjazkowemu předsydstwu kluč wot jednoho delegata na započane sto čłonow namjetować, štož by cyłkownje 120 delegatam wotpowědowało. Zwjazkowe předsydstwo ma na swojim posedźenju 20.11. tež wo tym wothłoswać, hač so „Hłowna” ewentualnje pandemije dla do ćopłeho počasa přestorči. Wuměnu ze zastupjerjemi Domowiny w towaršnostnych gremijach intensiwowaćNa dnjowym porjedźe steješe tež wuhódnoćenje a konkluzije naprašowanja zastupjerjow Domowiny w 34 wšelakich rozsudźacych a poradźowacych gremijach, kotrež je referent za nutřkowne naležnosće, Werner Sroka, rozkładł. Wažne je prezidijej, stajnu wuměnu zarjada z wotpósłancami intensiwować. Po tym je prezidij k naćiskej Regionalneho plana Hornja Łužica – Delnja Šleska stejišćo wobkrućił, kiž je referent za hospodarske a infrastrukturelne naležnosće, Pětr Brězan, zdźěłał. Domowina wosebje poruča, wuznam Serbow jako rěčni a kulturni mostytwarcy w regionje wosrjedź Europy wuzběhować.Jednaćel Domowiny, Marko Kowar, informowaše, kak ma Domowina na zakładźe prěnjeje směrnicy wo Sakskim strukturnym wuwićowym planje w brunicowych rewěrach w přewodźacymaj wuběrkomaj wokrjesow Budyšin a Zhrojelc sobu dźěłać.Statnik: Wokrjes Dubja-Błota móže z přikładom Hornjej Łužicy być28. oktobra budźe wokrjesny sejmik wokrjesa Dubja-Błota wo přistupje jako spěchowanski čłon Domowiny wothłosować, prěni přisłušny wuběrk je hižo přihłosował. Předsyda Domowiny, Dawid Statnik, so nadźija dobreho přikłada druhim regionam: „Tež wokrjesaj w Hornjej Łužicy stej nětko wužadanej, wo tym přemyslować, swoju zwjazanosć ze Serbstwom z přisłušnosću našemu třěšnemu zwjazkej zwuraznjeć.”