Dr. Hartmut Leipner (nalěwo) je wot pjatka sem rěčnik dźěłoweje skupiny słowjanskich mjeńšin w Federalistiskej uniji europskich narodnych skupin (FUEN). Wot wšitkich dźěłowych skupin je tuta z 32 přisłušnymi organizacijemi najwjetša w ramiku FUEN.

Wot minjeneho štwórtka hač do wčerawšeho so zastupjerjej Serbow – městopředsyda dr. Hartmut Leipner a jednaćelka Domowiny Judit Šołćina – na seminarje słowjanskeje mjeńšiny w Zagrebje wobdźělištaj. Přeprosyła bě serbiska mjeńšina w Chorwatskej. Nimo zeznaća mjeńšiny na městnje, běchu dalše tematiske ćežišćo žónske hibanja w Zagrebje, kotrež mjeńšinowu politiku aktiwnje sobu tworja a tuž napjate impulsy za europskich hosći z druhich mjeńšin přilubja.

Foto: Domowina/Judit Šołćina

+++

Übersetzung --> sotra