Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Wot 18.7. je nowinski rěčnik tři njedźele w dowolu, w lětnjej přestawce tuta protyčka prawidłownje njewuchadźa. Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (18.7.-14.8.2022) wozjewić, pósćelće mi je prošu hač do štwórtka, 7.7, na marcel.brauman@domowina.de . Njerukujemy za zrealizowanje tule naspomnjenych podawkow.

póndźelu, 11.7., w 9 hodź. zazběh do tydźenja – online-wuradźowanje sobudźěłaćerjow Domowiny, tomu so wothłosowanje wjednistwa přizamknje

wutoru, 12.7. předčitanski dźeń w zakładnej šuli w Barće, tule wobdźěli so regionalna rěčnica Katja Liznarjec

wutoru, 12.7., w 16 hodź. posedźenje předsydstwa župy „Handrij Zejler” we Wojerecach

srjedu, 13.7. w 8.30 hodź. cyłodnjowska klawsura (hornjo-)serbšćiny zarjada Domowiny z praktiskim zwučowanjemi w zetkawanišću „dwórnišćo inkluzije” Radwor (Čorny Hodler)

srjedu, 13.7., w 19.30 hodź. „Z uniwersuma do Łužicy – šansy a móžnosće slědźerskeho centruma w našim regionje a druhe zajimawe temy astrofyziki” w Měsćanskej hali „Króna, přednošk prof. Michèle Heurs, Leibnizowa uniwersita Hannover, witanje mj. dr. přez spěchowanski kruh šulskeje hwězdarnje Budyšin a předsydu Domowiny, Dawida Statnika (zarjadowanje DZA, Deutsches Zentrum für Astrophysik, Budyšina a Budyskeje šulskeje hwězdarnje)

štwórtk, 14.7., w 11 hodź. zetkanje zamołwitych serbskich institucijow w Serbskim domje (Budyšin), m.dr. předstajenje „Łužiskeho monitora”

sobotu, 16.7., zeger 15 zarědowanje župy Dolna Łužyca w Groźišću - cesćenje cłonkow, kenž su 50 lět z cłonkom Domowiny, nachwatanje 75. wrośenicy załoženja Domowiny w Dolnej Łužycy

sobotu, 16.7., wot 15 hodź. sundowner wita swójby na zahrodźe Serbskeho ludoweho ansambla w Budyšinje

pjatk, 22.7., w 15 hodź. wulět župnych předsydstwow do Błótow („Lěto župow”

Aktualizowanja po potrjebje w běhu tydźenja su přeco móžne.