Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com. 

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (3.4 - 9.4.2023) wozjewić, pósćelće je prošu hač do štwórtka, 30.3.2023, na sekretariat@domowina.de .
Njerukujemy za zrealizowanje tule naspomnjenych podawkow. 

wutoru, 28.03.2023 

• 18.00 hodź.: předsyda Domowiny Dawid Statnik wobdźěli so na přijeću BDV (Bund der Vertriebenen – Zwjazka němskich wusydlencow) w Berlinje  
• 18.00 hodź.: jednaćelka Domowiny Judit Šołćina a referent za kulturu Clemens Škoda wobdźělitaj so na přijeću w Sakskim zastupnistwje w Praze 

srjedu, 29.03.2023  

• 11.30 hodź.: předsyda Domowiny Dawid Statnik a referentka za młodźinske dźěło Virginija Hanuzowa zetkataj so ze sobudźěłaćerjemi Kulturbüro Sachsen e.V. (mobilny poradźowanski team regionalneho běrowa “wuchod”) a RAA e.V. w Serbskim domje w Budyšinje 
• 17.00 hodź.: wuradźowanje předsydy Domowiny ze župankami/županami a z předsydkami/předsydami čłonskich towarstwow a zwjazkow w Serbskim domje w Budyšinje; nawod: Dawid Statnik 

štwórtk, 30.03.2023 

• 10.00 hodź.: 2. posedźenje projektnych partnerow UNESCO 5 w Domje tysac hatow biosferoweho rezerwata “Hornjołužiska hola a haty” w Stróži; zamołwity: Clemens Škoda 
• 15.00 hodź.: posedźenje wuběrka za nutřkownu demokratiju a serbsku ciwilnu towaršnosć pod nawodom předsydy wuběrka Damiana Dyrlicha w Serbskim domje w Budyšinje (informacije přez referentku Madlenu Di Sarnowu)