Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (22.8.-29.8.2022) wozjewić, pósćelće mi je prošu hač do štwórtka, 18.8., na marcel.brauman@domowina.de .Njerukujemy za zrealizowanje tule naspomnjenych podawkow.

wutoru, 16.8., w 17.30 hodź. „rozmołwy při róžni” w Konječan towarstwowni (wjesna 20, Ralbicy-Róžant, Konjecy) – zjawne zarjadowanje ze zamołwitymi wulkoprojekta „Němski centrum za astrofyziku” (DZA) a geologami z regiona za wšěch zajimowanych wobydlerjow wokoliny (dokładniše informacije: hlejće prošu w přiłoze přeprošenje Günthera Hasingera a Christiana Stegmanna. Na kóncu teksta namakaće tež wotkaz na serbske zjimanje wobsaha a zaměra DZA.
Štóž chce, móže swoje prašenja hižo do toho zapodać na: dza@desy.de .

Dokumentacija: Narěč předsydy Domowiny, Dawida Statnika, dnja 25.5., składnostnje prezentacije wuslědkow probowych točenjow w Konjecach: Čehodla DZA podpěrujemy: https://www.domowina.de/hsb/medijowy-wobluk/blog/statnik-bodenstaendig-nach-den-sternen-greifen-warum-die-domowina-das-deutsche-zentrum-fuer-astrophysik-in-der-lausitz-unterstuetzt-1950

wutoru, 16.8., w 18 hodź. we Wojerecach w domje Domowiny / wałtoru, 16.8., zeger 18.00 we Wórjejcach w domje Domowiny

zhromadne posedźenje župneju předsydstwow / zgromadne zmakanje župneju pśedsedaŕstwowu župow Dolna Łužyca a Wojerecy;

dr. Pětš Šurman, župan župy Dolna Łužyca z.t., Gabi Linakowa a Marcel Brauman, županka a župan župy „Handrij Zejler” Wojerecy: „Comy se wuměniś k rěcnej situaciji a rewitalizaciji serbskeje rěcy we wobyma župoma a we pśijaznej atmosferje rědny zgromadny wjacor dolabowaś. – Chcemy so wuměnić k rěčnej situaciji a rewitalizaciji serbskeje rěče we woběmaj župomaj a w přijomnej atmosferje rjany zhromadny wječor dožiwić.”

Po tym budźe nowinska zdźělenka / pótom buźo casnikaŕska informacija

Aktualizowanja po potrjebje w běhu tydźenja su přeco móžne.