Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com . Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (23.5.-29.5.2022) wozjewić, pósćelće mi je prošu hač do štwórtka, 19.5., na marcel.brauman@domowina.de . Njerukujemy za zrealizowanje tule naspomnjenych podawkow.

wutoru, 17.5., w 10 hodź. přednošk předsydy Domowiny Dawida Statnika wo Mjeńšinowej radźe/Mjeńšinowym sekretariaće na workshopje zwjazkoweho ministerstwa nutřkowneho „Innerstaatliche Vernetzung deutscher Grenzregionen”

srjedu, 18.5., w 14 hodź.  posedźenje wuběrka Domowiny za naležnosće změny strukturow, hospodarstwo a infrastrukturu

stwórtk, 19.5., zeger 18.30, w kalawskej Serbskej cerkwi prezentacija faksimilowego wudaśa prědnych serbskich šulskich knigłow ako wažne zasejnamakanje (Spěchwańske towaristwo za serbsku rěc w cerkwi, Šula za dolnoserbsku rěc a kulturu) – glědaj pšosym do pśiłožka!

štwórtk, 19.5., w 19 hodź. Serbski wječork w Nowym měsće (gmejna Sprjewiny doł), hlejće prošu dokładnych detailow dla do přiłohi – prěni termin tutoho rjada zarjadowanjow serbskich gremijow w serbskej Łužicy po dlěšej přestawce dla pandemije

štwórtk, 19.5., hač do njedźele, 22.5., 70lětny jubilej Lipšćanskeje sorabistiki – mjezynarodna wědomostna konferenca (hlej program tu: Institut für Sorabistik70-jähriges Jubiläum der Leipziger Sorabistik – Konferenz im Mai (uni-leipzig.de)

pjatk, 20.5., w 17 hodź. zjawne wuradźowanje zwjazkoweho předsydstwa (w Budyšinje a digitalnje přistupne: na titulnej stronje domowina.de abo https://www.youtube.com/watch?v=GXjSKvgkI3I

Dnjowy porjad namakaće tež w přiłoze, předłohi za wobzamknjenja tule: https://www.domowina.de/fileadmin/Assets/Domowina/Material_Domowina_Bundesvorstand/Beschlussvorlagen/ZP2022_05_20_predlohi_Beschlussvorlagen.pdf

Temy posedźenja su mjez druhim staw přihota na wurjadnu hłownu zhromadźiznu 3.6. w Choćebuzu, poručenja kulturneho wuběrka za plany Lawskeho areala a wšelake rozprawy.

Naprašowanja čłonow Domowiny a hosći k serbskim naležnosćam móžeće tež do toho mejlnje zapodać pola Marcel.Brauman@domowina.de .

Kaž běše hač do pandemije z dobrym wašnjom, je posedźenje zwjazkoweho předsydstwa Domowiny zaso bjez wobmjezowanja zjawnje přistupny termin. Najebać to bychu hosćo, wosebje ze stron medijow, nam planowanje z přizjewjenjom wolóžili, zo bychmy so sčasom wo porjadne dźěłowe wuměnjenja starać móhli.

sobotu, 21.5., wot 10 hodź. nalětni swjedźeń w Ćisku

Kulturne towarstwo Ćisk přeprošuje wot 10 hač do 18 hodź. na Ćišćanski dwór na nalětni swjedźeń. Pastwinscy muzikanća z Kamjenca wot 11 do 13 hodź zahraja. Jeje repertoire wopřija ludowu dujersku hudźbu. W 14.30 hodź. wustupja dźěći Serbskeho dźěćaceho towarstwa z zabawnym programom na Ćišćanskim dworje. Wot 11 hodź. Was z wobjedom z „gulašoweje kanony“ zastarujemy. Hroch a kotołowy gulaš sydatej. Tam rěka po nazhonjenjach – spěšnje přimnyć. Cyły dźeń pak změjemy za Was grilowane jědźe, čerstwe butřanske plincy a samopječeny tykanc kaž tež napoje. Dźěći móža na nowym hrajkanišću na wjesnej łučinje jórdować abo z Ćišćanskim dźěćacym towarstwom fantastiske wěcki paslić a so šminkować dać. Někotre stejnišća na wikach k hladanju a nakupowanju přeprošuja. (z přeprošenja towarstwa)

sobotu, 21.05., w 14.30 hodź., w Bukecach na wosadnej žurli: Na čitanje z loni w nazymje wušłeje zběrki „Stop a stup“ Měrany Cušcyneje přeprošujetej LND a Bukečanska bjesada. Awtorka předstaji swoju nowu knihu we wobłuku serbskeho wosadneho popołdnja, čitanje wobrubi hudźbnje komponist Jan Cyž.

Aktualizowanja po potrjebje w běhu tydźenja su přeco móžne.