Serbske terminy (wuběr) z protyčki Domowiny za tydźeń hač do 30. winowca / oktobra 2022

Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (31.10.-6.11.2022) wozjewić, pósćelće mi je prošu hač do štwórtka, 27.10., na marcel.brauman@domowina.de . Njerukujemy za zrealizowanje tule naspomnjenych podawkow.

póndźelu, 24.10., w 9 hodź. zazběh do tydźenja – online-wuradźowanje přistajenych Domowiny

srjedu, 26.10., w 15 hodź. posedźenje wuběrka za nutřkownu demokratiju a serbsku ciwilnu towaršnosć w Serbskim domje w Budyšinje

srjedu, 26.10., zetkanje Domowiny z Natalie Pawlik, społnomócnjenej zwjazkoweho knježerstwa za wusydlencow a narodne mjeńšiny, a młodostnymi na předwječoru posedźenja poradźowanskeho wuběrka za prašenja serbskeho ludu poboku zwjazkoweho ministerstwa nutřkowneho

štwórtk, 27.10., w 10 hodź. posedźenje poradźowaceho wuběrka za prašenja serbskeho ludu poboku zwjazkoweho ministerstwa nutřkowneho – w Serbskim domje w Budyšinje

štwórtk, 27.10., w 16 hodź. (hač do pjatka, 28.10., w 12 hodź.) w Kielu: Madlena di Sarnowa, referentka za naležnosće třěšneho zwjazka, so na zetkanju EBLUL (Europäisches Büros für Sprachminderheiten) Deutschland, Komitee für Regional- und Minderheitensprachen w Kielu ze zastuperjemi delnjoněmsce rěčacych, Sintow a Romow, danskeje mjeńšiny, serbskeho ludu, Sewjernych a Saterskich Frizow wobdźěli

štwórtk, 27.10., w 18 hodź. w krajnym sejmje w Šleswigsko-Holsteinskej finisaža pućowanskeje wustajeńcy „Was heißt hier Minderheit” ze „Speed Debating”, tule so za serbski lud Madlena di Sarnowa, referentka třěšneho zwjazka, wobdźěli

sobotu, 29.10., w 17 hodź. spěwanski wječor w Budyskej „Krónje”, wjeršk „Lěta Zejlerja a Kocora”. 14 chórow a ćělesow budźe na žurli w Budyšinje, kotraž je połnje wobsadźena. Wone njemóža so jenož na zhromadne spěwanje, ale tež na wječer a reje wjeselić. Štóž chce na tutym historiskim wjeršku podźěl brać, njech prošu wužije livestream: https://www.youtube.com/watch?v=b6l5crQPiUc. Jako orientaciju za wotběh w přiłoze režijny plan. Zastupjerjo serbskich medijow móža termin wězo tež live sćěhować.

njedźelu, 30.10., w 17 hodź. w Budyskej tachantskej cyrkwi nutrnosć/nyšpor ze spominanjom na sławneju wótčincow Korlu Awgusta Kocora a Handrija Zejlerja. Tam zaklinča štyri twórby z nazwučowaneho repertoira. Na nyšpor su wšitcy wutrobnje přeprošeni.

Kommentare und Antworten

×

Name ist erforderlich!

Geben Sie einen gültigen Namen ein

Gültige E-Mail ist erforderlich!

Gib eine gültige E-Mail Adresse ein

Kommentar ist erforderlich!

Captcha Code Kann das Bild nicht gelesen werden? Klicken Sie hier, um zu aktualisieren

Captcha ist erforderlich!

Code stimmt nicht überein!

* Diese Felder sind erforderlich.

Sei der erste der kommentiert