Na poslednju zjawnu testowu hru SERBSKEHO MUSTWA mužow dojě sej dźensa, štwórtk wječor kopica fanow. Serbske mustwo hraješe na SJ Chrósćicy, kotrež hraja w krajnej klasy. Trenarjej Ballack/Ričel staj móhłoj hišće někotre taktiske scenarije přeńć. 7 hrajerjow mustwa hišće falowachu. Nowaj w mustwje běštaj Nico Kocor a Tobias Voigt, kotrajž narunataj zranjeneju Johnasa Glode a Johnasa Krawčika.

Wot spočatka sem dominowaše Serbske mustwo hru. Zazběh do łónca wrotow za Serbske mustwo da Leon Šołta. Solidnje rjadowaše nutřkowny škit Wocko a Petrik nadběhi a akcenty do srjedźneho pola. Jakub Škoda steješe cyłu partiju we wrotach. Natwar hry skutkowaše porno hry w Janšojcach hižo wjele sortěrowaniši a tak zwosta Chróšćanam lědma šansa za swójske akcenty. W běhu hry sćěhowachu wrota Korla Petrika, 2xRinca, Wocko (skomolena jědnatka z wuspěšnym dodatnym třělom) a krasne wrota z distancy wot Floriana Šuliša. Na kónc steješe 6:0 na konće. Trenar Ričel zwurazni jeho spokojnosć po hrě: “Naše mustwo je solidne, jara wurunane. Kóždu poziciju móžemy połnje wurunać. Widźu dobre wuměnjenja za Europeadu z tutym mustwom a myslu sej, zo smy nětko derje přihotowani.”

Za tydźeń poda so SERBSKE MUSTWO na puć do sewjera na Europeadu.
Oficielne rozžohnowanje z delegaciju budźe 21:00 hodź. na sportnišću w Dešnje. Fanojo a medije su witani.