Wonječesćenje Božich martrow w Kulowskich kónčinach zaběra tež třěšny zwjazk Serbow. Předsyda Domowiny, Dawid Statnik, so wupraja:

„Swjate křiže njejsu jenož priwatne wobsydstwo, ale zjawne herbstwo cyłeho regiona. Tohodla dyrbimy wšitcy kedźbliwi być a k tomu přinošować, tute markantne duchowno-kulturne herbstwo Łužicy škitać a widźomne nadběhi na nje spěšnje policiji wozjewjeć. Škit Božich martrow njeje jenož nadawk stata, ale cyłeje ciwilneje towaršnosće.

Mamy swójbam dźakowni być, kotrež je nastajeja a hladaja. Zrudźaca powěsć z Kulowskich kónčin nas na prjedawše pady wonječesćenja swjatych křižow w katolskich Serbach dopomina. Bohužel njeje so hač do dźensnišeho ani jenički pad wujasnił – wšitcy skućićeljo su njeznaći wostali. Njehladajo na to witam, zo policija mjeztym sensibelnje móžne antiserbske pozadki přeco sobu přepytuje.

Njeličomne Bože martry su znamjo našeje krajiny mjez Budyšinom, Kamjencom a Wojerecami. To njech tak wostanje. Štóž rady na křižerjow hlada, njech na to mysli, zo su naše rjane wobrjady we wšědnym žiwjenju zakótwjene. A wo tutej žiwej wěrje swjatk a pjatk swjate křiže swědča. Tohodla wočakujemy, zo cyła towaršnosć z tutym dostojnym znamjenjom z respektom wobchadźa.  

Die Schändung von Wegkreuzen in der Wittichenauer Gegend beschäftigt auch den Dachverband der Sorben. Der Vorsitzende der Domowina, Dawid Statnik, erklärt dazu:

„Wegkreuze sind nicht nur Privateigentum, sondern öffentliches Erbe der gesamten Region. Deshalb müssen wir alle aufmerksam sein und dazu beitragen, dieses markante geistig-kulturelle Erbe der Lausitz zu schützen und sichtbare Angriffe darauf schnell der Polizei zu melden. Der Schutz der Wegkreuze ist nicht nur Aufgabe des Staates, sondern der gesamten Zivilgesellschaft.

Wir sind den Familien zu Dank verpflichtet, die sie aufstellen und pflegen. Die bedrückende Nachricht aus der Wittichenauer Gegend erinnert uns an frühere Fälle der Schändung von Wegkreuzen im Gebiet der katholischen Sorben. Leider wurde bis heute kein einziger Fall geklärt – alle Täter sind unbekannt geblieben. Ungeachtet dessen begrüße ich, dass die Polizei inzwischen sensibel mögliche antisorbische Hintergründe immer mit untersucht.

Unzählige Wegkreuze sind das Zeichen unserer Landschaft zwischen Bautzen/Budyšin, Kamenz/Kamjenc und Hoyerswerda/Wojerecy. Das möge so bleiben. Wer gern auf die Osterreiter schaut, möge daran denken, dass unsere schönen Riten im täglichen Leben verankert sind. Und von diesem lebendigen Glauben feiertags wie alltags zeugen die Kreuze. Deshalb erwarten wir, dass die ganze Gesellschaft mit diesem würdigen Zeichen respektvoll umgeht.”

Bild: Wegkreuz. Foto: Domowina.