Składnostnje symboliskeho wotkryća prěnjeho noweho dwurěčneho zastanišća wobchadneho zwjazka Hornje Łobjo (VVO) při Łužiskej kupjeli we Wojerecach praji předsyda Domowiny Dawid Statnik:„K mjezynarodnemu dnjej maćeršćiny 21. małeho róžka (februara) sej žadachmy, zo by serbšćina bóle na dróze prezentna była. My so wězo jara wjeselimy, zo směmy tři njedźele po tym prěnju dalšu kročel do tutoho směra woswjećić. A to samo dwójce. Sprěnja so wotnětka nowa dwurěčna normalita krok po kroku etablěruje: němsko-serbske wupokazanje na zastanišćach zjawneho wobchada. Zdruha to so na přikładne wašnje stawa: Naša maćeršćina so w samsnej wulkosći prezentuje kaž němčina, štož dawno hišće normalita na murjach zarjadnišćow njeje. Dźensa je so we Wojerecach dalši wažny měznik při runostajenju serbšćiny we Łužicy kładł. Domowina budźe dale rady regionalnym akteram při dalšich kročelach poboku. To přichodej cyłeje Łužicy tyje, kotrejež jónkrótnośc je němsko-serbska dwurěčnosć. Dokładniše informacije k dźensnišemu zarjadowanju a zawjedźenju dwurěčneho wupokazanja w zwisku z wobnowjenjom taflow na teritoriju wobchodneju zwjazkow VVO a ZVON dóstanjeće wot nowinskeho rěčnika VVO.