termin turněra: 04.02.2023

městnosć: sportowa hala Serbskeho šulskeho a zetkawanskeho centruma Budyšin

čas: 9 do 19 hodź.

zarjadowar: Serbski Sokoł z.t.

wuhotowar: Sokoł Budyšin z.t., Škit Budyšin z.t., Mustwo 1296

kontaktna adresa: serbski-sokol@gmx.de 

zaměr turněra: Pod sokołskim hesłom “Sportej a narodej - zdar!” chcemy so zetkać k lóštnemu sportowanju a wjesołej zabawje. Zdobom chcemy styki mjeze serbskimi wolejbulistakmi a wolejbulistami a dalšimi sportowčemi a sportowcami skrućić a k popularizowanju Serbskeho Sokoła přinošować.

přeprošene mustwa: Na turněr su přeprošene mustwa dotalnych turněrow a nowačcy. Wolejbulowe cyłki z Pólskeje a Čěskeje su tež lubje witane. Wězo tež zastupnistwa narodnych mjeńšin Europy. Kóždy/a wolejbulist/ka, kotryž/až so do jednoho mustwa zarjaduje, njech so w swójbje sportowcow derje čuje.

woprawnjeni hrajerjo: Turněr je ludosportowe zarjadowanje. Tohodla smědźa so na nim prěnjorjadnje hrajerjo/hrajerki ludosportoweje a wokrjesneje runiny wobdźělić. W jednym mustwje smě tež nastupić jedyn aktiwny nadwokrjesneje runiny. To płaći tež za wolejbulistow, kiž su hižo raz na wobwodnej runinje abo wyše hrali. Za hrajerjow starobneje klasy nad 45 lět njeje wobmjezowanja, za hrajerki pak scyła žane. Hrać smědźa wšitcy nad 16 lětami. Zawěsćić pře njezboža ma so kóždy wobdźělnik sam.

zestawa mustwow: Wobkedźbować ma so, zo přisłuša kóždemu mustwu znajmjeńša pjeć (wšitcy pjećo dyrbja na hrajnišću stać a hrać), maksimalnje dźesać hrajerjow, zo su měšane mustwa mužow a žonow dowolene, zo smě jednotliwc w běhu turněra nastupić jenož w jednym mustwje, a zo je zapłaćenje startoweho pjenjeza we wysokosći 30€ na konto Serbskeho Sokoła zdobom zwjazowace přizjewjenje mustwa (konto: Kreissparkasse Bautzen, IBAN: DE31 8555 0000 1000 0983 77 / SWIFT-BIC: SOLADES1BAT, mějićel konta: Serbski Sokoł z.t. / pola wužiwanskeho zaměra prošu takle pisać: mjeno mustwa, zamołwity, mailowa adresa zamołwiteho), šulerske cyłki startowy pjenjez płaćić njetrjebaja, dyrbja pak so na horjeka mjenowanej kontaktnej adresi přizjewić

modus wubědźowanja: Konkretny modus je wot ličby přizjewjenych mustwow wotwisny a so při wulosowanju skupinow wozjewi. Na čas so hrać njebudźe, kaž hižo na zašłymaj turněromaj na dypki. Městna so do poslednjeho wuhraja. Wysokosć saka: 2,43m

sudnicy: plan sudnikow/sudniskich cyłkow so z hrajnym planom wupowěsnje

hruby wotběh: Hala je wot 9 do 19 hodźin skazana. Přijězd mustwow njech je hač do 08.45 hodź. zakónčeny. Zahajimy turněr w 09.00 hodź. z witanjom, předkoło započnje so 09.15 hodź. Po turněrje stej mytowanje dobyćerjow a zhromadna bjesada zaplanowanej. Za ćělne zastaranje budźe wšo spřihotowane.

termin přizjewjenja: 16. januar 2023. Při přepokazanju startoweho pjenjeza prošu pola “Verwendungszweck” zamołwiteho za mustwo podać a mailowu adresu zamołwiteho.

termin a městnosć wulosowanja: so hišće podatej

Milan Funka, starosta Serbskeho Sokoła