Tež w tutym lěće chcemy zaso wuznamjenić wosoby, kotrež so čestnohamtsce za zdźerženje hornjo- abo delnjoserbšćiny a hajenje serbskeje kultury na wosebite wašnje angažuja.

Hač do 30. junija 2025 móžeće mytowanskemu wuběrkej namjety za wuznamjenjenje z Mytom Domowiny, z Mytom Domowiny za dorost a z Čestnym znamješkom Domowiny zapodać a to na slědowacu adresu:

Domowina - Zwjazk Łužiskich Serbow

Póstowe naměsto 2/Postplatz 2

02625 Budyšin/Bautzen.

Waš namjet móžeće nam tež přez mejlku zdźělić na sekretariat@domowina.de.

Prošu wužiwajće za to formular, kotryž je na našej webstronje składowany. Tam namakaće tež dalše informacije, kaž na př. porjad wo spožčenju.

Jeli maće prašenja, so rady direktnje na Clemensa Škodu wobroćće: clemens.skoda@domowina.de abo telefonisce 03591 550-208.

Mytowanske zarjadowanje wotměje so 17.10.2025w Serbskim domje w Budyšinje.

“Myto Domowiny” a “Myto Domowiny za dorost”

Za wurjadne wukony w čestnohamtskim skutkowanju na wšěch polach narodneho dźěła, kiž słuža zachowanju a spěchowanju Serbstwa, a maja wuznam za cyłe serbstwo, spožča Domowina – Zwjazk Łužiskich Serbow kóžde lěto tutej wysokej wuznamjenjeni.

“Čestne znamješko Domowiny”

Čestne znamješko Domowiny spožča so za wosebite čestnohamtske wukony při zwoprawdźenju programa Domowiny - Zwjazka Łužiskich Serbow.