Intensiwny kurs hornjoserbšćiny 2025 – pytamy wobdźělnicy a wobdźělnikow za “DOMOJ”

Zajimowani Łužičenjo móža so za nowy intensiwny program DOMOJ powabić, zo bychu za dźewjeć měsacow hornjoserbšćinu nawuknyli. W dobje wot apryla do decembra 2025 wuknje 10-12 dorosćenych wšědnje intensiwnje po principje "rěčneho hnězda". Zaměr je, ertne a pisomne rěčne znajomosće zdobyć, kotrež móža powołansce a priwatnje nałožować. Wobdźělnicy dóstanu stipendij. Doba požadanja skónči so 10.11.2024. Wjace informacijow namakaće pod DOMOJ – intensiv Sorbisch lernen! - zari-domowina. Jeli maće hižo prašenja, stajće tute nawodźe rěčneho kubłanja, Julianej Nyči (julian.nyca@domowina.de, 03591/3163852).

------------------

Kubłanska dźěłarnička we Łužicy

12. nowembra 2024 přeprošuja zamołwići projekta „Namrěwstwo Łužicy/Erbe der Lausitz“ (UNESCO 5) w kooperaciji z Braniborskej techniskej uniwersitu Choćebuz-Zły Komorow na dialogowu konferencu. Zarjadowanje měri so na wučacych na wysoko šulach a kubłanskich akterow we Łužicy. Zaměr je, wuwiwać interdisciplinarne projekty, zo so zarjadnišća UNESCO, kaž na přikład Biosferowy rezerwat Błóta, za trajnje zwonkašulske kubłanje wužiwaja.

Za to su wšelake dźěłarnički planowane. Němska UNESCO-komisija a dalši partnerojo zarjadowanje podpěruja. Wobdźělenje je darmotne, a přizjewjenja su hač do 4. nowembra 2024 móžne pod www.erbe-lausitz.eu. (wjace informacije zhoniće w připowěsnjenej nowinskej zdźělence)

Hdy? 12. nowember 2024, 12:15 – 17:00 hodź. | Hdźe? Campus Zły Komorow, BTU Choćebuz-Zły Komorow | Adresa: Naměsto uniwersity 1 (Universitätsplatz 1), 01968 Zły Komorow

------------------

Terminy (wuběr) z protyčki 28.10. do 03.11.2024

wutoru, 29.10.2024 

• zeger 17.00 5. pósejźenje wólbnego wuběrka (wobzamknjenje wó dowólenje jadnotliwych naraźenjow kandidat/kow k wólbje 7. Rady za nastupnosći Serbow pśi Krajnem sejmje Bramborska), w Serbskim domje w Chóśebuzu, informacije pódaju na napšašowanje: regionalna powědarka Heike Apeltowa 

• 19.00 hodź. Maćična akademija wo temje “Hornjoserbšćina w linguistic landscape: Přirunanje mjez gmejnomaj Ralbicy-Róžant a Rakecy” w Serbski domje w Budyšinje (w žurli na 1. poschodźe), referent je Evan Bleakly, nošer Myta Arnošta Muki Maćicy Serbskeje 2023, zastup je darmotny, přednošk budźe w němskej rěči a so paralelnje online wusyła (Macica Serbska) 
  • po tym předstaji so kniha “Wědomosć za wšitkich. Maćica Serbska / Maśica Serbska po 1990”, wudawaćelki: dr. Anja Pohončowa, dr. Theresa Jacobsowa a dr. Ines Kellerowa, publikacija je wušła w małym rjedźe Serbskeho instituta

pjatk, 01.11.2024 

• zeger 11.00 pósejźenje wólbnego wuběrka w Dešnje (Tylcyc, 6), informacije pódaju na napšašowanje regionalna powědarka Karin Tšukowa  

sobotu, 02.11.2024  

• zeger 18.00 zmakanje chorow a koncert k spomnjeśu na komponista Detlefa Kobjelu, w gósćeńcu “K złotemu plonoju” w Hochozy, informacije pódaju na napšašowanje: regionalna powědarka Heike Apeltowa 

• 16.00 hodź. nazymski koncert z kapału Horjany w Serbskim domje w Budyšinje 

njedźelu, 03.11.2024 

• 16.00 hodź. nazymski koncert z chórom Budyšin we wjesnej hospodźe (Konzert- und Ballhaus) w Bukecach, wot 15.00 hodź. kofej a tykanc 

Aktualne wupisanja dźěłowych městnow Domowiny: Dźěłowe poskitki | praktika | wukubłanske městna