Srjedu, 24.4.2024 je w nadawku Spěchowanskeho kruha za serbsku ludowu kulturu jury (Marja Jaworkowa a Helena Palmanowa) wo dobyćerjach w lětušim wubědźowanju wo najrjeńše serbske jutrowne jejko za dźěći a młodostnych rozsudźiła. Wo wuslědkach informowaše projektna managerka Domowiny Rejzka Krügerowa: Tak je so 66 jednotliwcow wobdźěliło. Nimo mytowanjow we wosom starobnych skupinach mjez 3 a 23 lětami su zaso młodźinske spěchowanske myto spožčili, kiž je z 75 eurami dotěrowane: Dobyćerka je 17 lětna Vivien Wagnerec z Wbohowa (Halbendorf im Gebirge), kotraž so z techniku bosěrowanja wobdźěli.

Posudk jury:

Dokelž je přihot a debjenje jejkow we wóskowanju wo wjele naročniše hač bosěrowanje so wóskowanje widźomnje poněčim pozhubi. Tuž chwaleše jury tež wosebje kolekcije kotrež so w technice wóskowanja zapodachu. Dale doporuči jury na to dźiwać, zo so za zapodate jejka we wubědźowanju serbska ornamentika wužiła a na přikład žadyn slěborny abo złoty wósk.

Wobrazaj: Młodźinske spěchowanske myto Vivien Wagnerec z Wbohowa pola Šěrachowa, jury: Marja Jaworkowa (nalěwo) a Helena Palmanowa. Foće: Rejzka Krügerowa

Lisćinu dobyćerjow namakaće tule jako PDF.

Zarjadowar projekta je Spěchowanski kruh za serbsku ludowu kulturu z.t., projekt podpěruje so přez projektny management Domowiny a spěchuje so přez Załožbu za serbski lud.