Na swojim dźensnišim posedźenju zaběrachu so čłonojo wólbneho wuběrka z přihotom wólbow 4. serbskeho naměstnika ze Swobodneho stata Sakska do Rady Załožby za serbski lud za dobu 2023-2027. Wuběrkej přisłušeja dźensa woleny předsyda Křesćan Korjeńk kaž tež Leńka Thomasowa a Petra Šwejdźina. Na spočatku posedźenja pruwowachu trěbne formality jeničkeho požadarja a zwěsćichu, zo su so podłožki sčasom a dospołnje k 31.07.2023 zapodali. Za městno 4. naměstnika kandiduje wučer a sportowc Jan Hrjehor, kotrehož podpěruje Serbski Sokoł z. t.

Jan Hrjehor je šulski nawoda Wyšeje šule Slepo “dr. Marja Grólmusec”. 45lětny angažuje so we wjacorych serbskich towarstwach, mjez druhim w Serbskim Sokole a w Serbskim šulskim towarstwje. Dale je gmejnski radźićel gmejny Ralbicy-Róžant. Nimo wobšěrnych znajomosćow a nazhonjenjow na serbskim polu w Hornjej Łužicy ma zdobom přez swoje mjeztym šěsćlětne skutkowanje jako wučer w Slepom hłubši dohlad do wobstejnosćow srjedźneje Łužicy. Prawidłownje rozprawja za Serbski rozhłós a Serbske Nowiny wo aktualnych sportowych podawkach.

Wólby 4. naměstnika wotměja so na zjawnym posedźenju Zwjazkoweho předsydstwa Domowiny dnja 22.09.2023 w Domje towarstwow w Trjebinje (KEDŹBU: změna městnosće). Adresa: Dróha na sportnišćo 1, 02959 Trjebin.

Wólbny porjad je digitalnje přistupny pod

https://www.domowina.de/fileadmin/Assets/Domowina/Mediathek/Material_Domowina_NEWS_Anlagen/2023_07_12_ZP_ZR_wolbny_porjad_2023-2027.pdf

foto: Mia-Katarina Hrjehorjec

+++

Jan Hrjehor kandidiert für den Stiftungsrat

In seiner heutigen Sitzung beschäftigte sich der Wahlausschuss mit der Vorbereitung der Wahl des 4. sorbischen Stellvertreters aus dem Freistaat Sachsen für den Rat der Stiftung für das sorbische Volk im Zeitraum 2023-2027. Dem Wahlausschuss gehören der heute gewählte Vorsitzende Křesćan Korjeńk sowie Leńka Thomasowa und Petra Šwejdźina an. Zu Beginn der Sitzung prüften sie die notwendigen Formalitäten des einzigen Bewerbers und stellten fest, dass die Unterlagen fristgerecht und vollständig zum 31.07.2023 eingereicht wurden. Für den Platz des 4. Stellvertreters kandidiert der Lehrer und Sportler Jan Hrjehor, der vom Dachverband der sorbischen Sportvereine Serbski Sokoł e. V. unterstützt wird.

Jan Hrjehor ist Schulleiter der Oberschule Schleife „Dr. Marja Grollmuß“. Der 45-jährige engagiert sich in mehreren sorbischen Vereinen, unter anderem im Serbski Sokoł und im Sorbischen Schulverein. Weiterhin ist er Mitglied des Gemeinderates in Ralbitz-Rosenthal. Ergänzend zu seinen umfangreichen Kenntnissen und Erfahrungen des sorbischen Lebens in der Oberlausitz hat er durch sein mittlerweile sechsjähriges Wirken als Lehrer in Schleife einen tieferen Einblick in die Gegebenheiten der mittleren Lausitz. Außerdem berichtet er regelmäßig für den Sorbischen Rundfunk und die Serbske Nowiny über aktuelle Sportereignisse.

Die Wahl des 4. Stellvertreters findet im Rahmen der öffentlichen Sitzung des Domowina-Bundesvorstands am 22.09.2023 im Haus der Vereine in Trebendorf statt (ACHTUNG: Ortswechsel). Adresse: Sportplatzstraße 1, 02959 Trebendorf.

Die Wahlordnung ist digital zugänglich unter

https://www.domowina.de/fileadmin/Assets/Domowina/Mediathek/Material_Domowina_NEWS_Anlagen/2023_07_12_ZP_ZR_wolbny_porjad_2023-2027.pdf (in sorbischer Sprache)

Foto: Mia-Katarina Hrjehorjec