Towarstwo Cyrila a Metoda přeprošuje wutrobnje na dalekubłanje sobotu, 9.11.24

Norman Reitner z Drježdźanskeho biskopskeho ordinariata poskićuje na próstwu Towarstwa Cyrila a Metoda z.t. (TCM) kurs, kak móžeš projekty derje planować a k tomu na wšelakore wašnje pjenjezy požadać. Dalekubłanje na polu sponsoringa a foundraisinga wotměje so sobotu, 9. nowembra, wot 9.00 do 16.00 hodź. na „Radlubinje” w Ralbicach. Wobdźělić smě so maksimalnje 30 wosobow. By-li zajim wjetši był, by so TCM wo dalše zarjadowanje prócowało. Jědź a napoje budu přihotowane. Zajimcy – nimo čłonow TCM su tež dalši přeprošeni – měli so online pod tutym linkom přizjewić: https://eveeno.com/944279248

Terminy (wuběr) z protyčki 04.11. do 10.11.2024 

srjedu, 06.11.2024 

• 19.00 hodź. posedźenje župneho předsydstwa župy „Michał Hórnik“ w sydarni gmejnskeho zarjada w Chrósćicach, informacije poda na naprašowanje: regionalna rěčnica Katharina Jurkowa 

štwórtk, 07.11.2024 

• 18.00 hodź. (wurjadne) posedźenje Zwjazkoweho předsydstwa Domowiny w Serbskim domje w Budyšinje, přeprošujemy wšitkich wutrobnje na zjawne posedźenje,

temy su mj. dr.:  

• aktualna situacija w župje „Jan Arnošt Smoler“ Budyšin 

• rozprawa Serbskeje rady Sakskeje wo dźěławosći we wólbnej dobje 2019–2024 

• diskusija za blidami wo přewjedźenju posedźenjow gremija                   

Posedźenje so podźělnje na našim youtube-kanalu přenjese. Podłožki budu na našej webstronje wozjewjene: dnjowy porjad, serbsce | dnjowy porjad, němsce | wšitke podłožki 

sobotu, 09.11.2024  

• 19.00 hodź. nazymski koncert “indiwiDUAL”, spěwatej Weronika Kalinučcyna a Hanka Wowčerjowa na žurli Smolic statoka w Hórkach, informacije poda na naprašowanje: Kathrin Młynkowa 

njedźelu, 10.11.2024 

• 15.00 hodź. popołdnjo za swójby w Němcach w “La Galeria” (Kulowska čo. 75), zarjadowar: župa “Handrij Zejler” Wojerecy