Serbske šulske towarstwo (SŠT) a Domowina hotujetej so na dalše kubłanske zarjadowanje. Dwudnjowska fachowa konferenca 29. a 30.08.2024 w klóštrje Marijina Hwězda w Pančicach-Kukowje zwjaza načasnu temu kubłanja naslědneho wuwića/Bildung nachhaltiger Entwicklung a serbsku rěč.

Prěni dźeń konferency wusměri so na wučerjow, referendarow, socialnych pedagogow a studentow pedagogiki. Tema budźe: šulerjow wukmanić, naslědnje jednać.

Přednoški a dźěłowe skupiny pokazaja na móžnosće sposrědkowanja temy naslědnosće w šulach.  Přitomni móža wučbne srědki wupruwować a wosebite poskitki zeznać. Zaměr konferency je, mjezsobnu wuměnu zmóžnjeć a z tym serbske šule jako městnosće naslědneho kubłanja skrućić.

Druhi dźeń konferency je na nawodow a kubłarjow pěstowarnje a horta, na socialnych pedagogow a so wukubłacych wusměrjeny. Wšitke přednoški a dźěłowe skupiny maja zaměr, dźěći wukmanić naslědnje myslić a jednać.

Dźeń wotměje so z krótkimi přednoškami, z dźěłarničkami a skići dosć móžnosćow, so wuměnić a metody wupruwować.

Přizjewjenje na konferencu je hač do 20. awgusta 2024 móžne na taskards fachoweje konferency.

Popłatk za zastaranje wučinja 25 eurow na wosobu, za studentow a so wukubłacych dźesać eurow.

Dźakny wječor

Štwórtk, 29.08. wot 19:30 hodź. su wšitcy kubłarki a kubłarjo, wučerki a wučerjo, kotrež so na dobro serbskeho kubłanja zasadźa, na dźakny wječor do klóšterskeje bróžnje w Pančicach-Kukowje přeprošeni. Wjeselimy so na dobru wuměnu. 

Dalše informacije namakaće na sćěhowacej webstronje: fachowa konferenca !RěčMY! 2024 .