Spěchowanski kruh za serbsku ludowu kulturu z.t. přeprošuje 15.3. a 16.3.2025 na 32. serbske jutrowne wiki do Budyskeho Serbskeho domu. Sobotu a njedźelu móžeće wot 10.00 do 18.00 hodź. debjerjam na žurli domu přihladować a sebi najrjeńše jutrowne jejka kupić. Maće wězo tež składnosć, so sami w debjenju jutrownych jejkow wuspytać. Dźěći su nimo toho na paslenje a walkowanje jutrownych jejkow prošene.

Nimo debjerjow jutrownych jejkow wustaja so wudźěłki ze škleńcy a drastowe dźěle narodneje drasty. Tež wušiwarce móžeće při dźěle přihladować a jej snano tón abo tamny tip wuwabić. Runje tak so sobudźěłaćerjo Smolerjec kniharnje na kupcow w Serbskim domje wjesela. Stajnje w 11.00 hodźin móžeće so na přednošk w bibliotece Rěčneho centruma Witaj na temu “Purpurčerwjene a pisane – Purpurrot und kunterbunt” wo serbskich jutrownych jejkach wjeselić.

A štóž chce trochu wodychnyć, tomu njech po hołku a tołku na štwórtej etaži horcy kofej a słódny tykanc abo tež dobra kołbaska zesłodźi.

Tuž njedajće so prosyć, přijědźće do Budyšina. Wjeselimy so na was!

- - -

Am 15.3. und 16.3.2025 lädt der Förderkreis für sorbische Volkskultur e. V. zum 32. Sorbischen Ostereiermarkt ins Haus der Sorben in Bautzen ein. Am Samstag und Sonntag können Interessierte jeweils von 10 Uhr bis 18 Uhr den Profis über die Schulter schauen und natürlich auch sorbische Ostereier erwerben. Wer möchte kann sich auch selbst im Verzieren sorbischer Ostereier ausprobieren. Für Kinder sind Bastelangebote und das Waleien vorbereitet.

Weiterhin sind auch Ausstellerinnen mit Glaskunst (zugegen nur am 16.3.) wie auch mit Trachtenarbeiten mit dabei. Die Smolersche Buchhandlung ergänzt das bunte Markttreiben mit ihrem Angebot. Jeweils um 11 Uhr können Sie in der Bibliothek des Witaj-Sprachzentrums dem Vortrag “Purpurčerwjene a pisane – Purpurrot und kunterbunt” zu traditionellen sorbischen Ostereiern lauschen.

Kommen Sie gern auf Kaffee und Kuchen oder herzhafte warme Würstchen in die 4. Etage.

Wir freuen uns auf Ihren Besuch!