Prošu wobkedźbujće tež centralny serbski kalender załožby/SKI za informacije a zapodaće (wosebje wšěch kulturnych) terminow: https://kalendar.sorben.com .

Jeli chceće terminy z wobłuka župow abo Domowinje přisłušacych cyłkow we wuběranych terminach našeho přichodneho tydźenskeho kalendra (21.11.-27.11.2022) wozjewić, pósćelće mi je prošu hač do štwórtka, 17.11., na marcel.brauman@domowina.de . Njerukujemy za zrealizowanje tule naspomnjenych podawkow.

póndźelu, 14.11., w 9 hodź. zazběh do tydźenja – online-wuradźowanje přistajenych Domowiny pod nawodom jednaćelki Judit Šołćineje, potom wothłosowanje předsydy z jednaćelstwom

póndźelu, 14.11., w 12 hodź. wopyt zapósłanca braniborskeho krajneho sejma Juliana Brüninga (CDU) pola Domowiny w Budyšinje

póndźelu, 14.11., w 14 hodź. póndźelniše wothłosowanje serbskich gremijow

póndźelu, 14.11., popołdnju předsyda Domowiny a zastupjerjo župy „Handrij Zejler” gratuluja něhdyšej Wojerowskej župance Brigiće Šraminej składnostnje jeje 80. narodnin (13.11.) we Wojerecach  

wutoru, 15.11., cyłodnjowske „Serbske kino” w Budyskim kinje „Filmpalast” – zarjadowar: župa „Jan Arnošt Smoler” w kooperaciji z MDR, Rěčnym centrumom WITAJ a Serbskim institutom (Raphaela Wićazowa, tel. 03591 550424, raphaela.wicazowa@domowina.de)

wutroru, 15.11., w 15 hodź. předsydstwo župy „Handrij Zejler” Wojerecy, w 16 hodź. zetkanje z Dianu Karbowej, nowej społnomócnjenej Wojerec za serbske naležnosće a projektnej managerku města, tema mj.dr. planowana via Sorabica

wutoru, 15.11., w 19 hodź. kulturna kermuša župy „Michał Hórnik” na swjedźenskej žurli Smolic statoka w Hórkach (koncert ze skupinu „Poštyrjoch”, spěwny wječor a wosebity kulinariski přikusk), zastup w předpředani 8 € pola Kathariny Jurkoweje w regionalnym běrowje Domowiny w Chrósćicach, 035796/96254, katharina.jurkowa@domowina.de, při wječornej kasy 10 €.

štwórtk, 17.11, w 10 hodź. zetkanje ze statnym ministrom za kultus, Christianom Piwarzom, w Drježdźanach. Na terminje wobdźěla so ze stron Serbow předsyda Domowiny Dawid Statnik, předsydka Serbskeho šulskeho towarstwa Katharina Jurkowa, jednaćelka Domowiny Judit Šołćina, nawodnica Rěčneho centruma WITAJ, dr. Beata Brězanowa, kubłanska referentka Domowiny Katrin Suchec-Dźisławkowa. Temy su mjez druhim staw ewaluacije 2plus, zjawnostne dźěło ministerstwa, zaručenje serbskich wobsahow w dźěławosći ministerstwa, wotrjadow a šulow

štwórtk, 17.11., w 11 hodź.Domowinska skupina Baćoń/Haslow a Budyska župa wopytatej fararja Gerata Wornarja, kiž 80. narodniny swjeći.

štwórtk, 17.11., w 18.30 hodź. wuhódnoćenske zarjadowanje po prěnich kubłanskich wikach na wyšej šuli w Ralbicach

pjatk, 18.11., w 12.30 hodź. předsyda Domowiny Dawid Statnik so na zetkanju z komisarom EU Nicolasom Schmitom a statnym sakskim ministrom za regionalne wuwiće Thomasom Schmidtom w Rěčicach wobdźěli. Tema: Wuwiće strukturow we Łužicy. Dalše informacije wo komisarje EU:  https://ec.europa.eu/commission/commissioners/2019-2024/schmit_de

pjatk, 18.11., w 17:30 hodź. dźakne zarjadowanje ze serbskim mustwom Europeady w Slepom. Na zarjadowanju budźe tež ministerski prezident Sakskeje, Michael Kretschmer, přitomny.

https://www.domowina.de/hsb/medijowy-wobluk/blog/dzakne-zarjadowanje-ze-serbskim-mustwom-po-wuspesnej-europeadze-1811-w-slepom-z-ministerskim-prezidentom-kretschmerom-2061

sobotu, 19.11., w 19 hodź. schadźowanka

Übersicht | 148. schadzowanka (eventim-light.com)

Dołhodobny pokiw: Premjera nowych ewangelskich spěwarskich „Zernička” druheho adwenta 2022 w Budyšinje

Njedźelu, 2. adwenta – dnja 4. decembra 2022 w 15.30 hodź. – změja nowe serbske ewangelske spěwarske „Zernička” na Michałskej farje w Budyšinje swoju premjeru. Po kemšach (14.30 hodź. w Michałskej cyrkwi) předstaji so na slědowacej adwentničce zběrka z wjace hač 100 načasnymi kěrlušemi kaž tež z modlitwami za dźěći a młodźinu zjawnosći. Mjez druhim předleži nětko znaty němski kěrluš „Von guten Mächten” wot Dietricha Bonhoeffera prěni raz w hornjoserbskim přełožku. Ilustrowała je „Zerničku” grafikarka a molerka Jutta Mirtschinowa. Podate gitarowe akordy kaž tež přimkowa tabulka zmóžnja lochki instrumentalny přewod kěrlušow.

Prěnje ideje za projekt zběrachu so hižo w oktobru 2018 na serbskim ewangelskim kóncu tydźenja w Hainewaldźe. Na to wutwori so projektowa skupina, kiž zezběranje, přełožowanje a zestajenje kěrlušow přewodźowaše. Kěrluše su wšelakim wobłukam kaž na př. wotběhej dnja abo cyrkwinskemu lětu přirjadowane. Spěchowane bu wudaće wot Załožby za serbski lud, Serbskeho ewangelskeho towarstwa, Serbskeho wosadneho zwjazka, priwatnych darićelow kaž tež wot Ewangelskeje cyrkwje Berlin-Bramborska-Šleska Hornja Łužica (EKBO). Spěwarske „Zernička” su wot spočatka decembra 2022 potom tež w Smolerjec kniharni za 11,90 Euro na předań.

Wšitcy zajimcy su wutrobnje na premjeru „Zernički” 2. adwenta na Michałskej farje přeprošeni!

Kontakt za dalše prašenja: Fararka Jadwiga Malinkowa, Dróha měra 68, 02959 Slepo, Tel. 035773 998244, jadwiga.mahling@gemeinsam.ekbo.de