W zarjedźe Domowiny ma so hnydom městno

wědomostneje sobudźěłaćerki / wědomostneho sobudźěłaćerja (m/w/d)

wobsadźić, zo by so team za projekt “Syć za regionalnu identitu a serbsku rěč” zesylnił.

Dźěłowe nadawki

• sociolinguistiske slědźenja wo stawje serbšćiny na městnje přewjesć
• sobudźěło na wuwiću akciskeho plana za rewitalizaciju serbšćiny
• koncepciju za studiju etnolinguistiskeje witality w Hornjej Łužicy wuwiwać
• rozprawy a wědomostne artikle pisać a wuslědki projekta předstajić

Wuměnjenja a wočakowanja

• promocija na polu duchownych a socialnych wědomosćow
• znajomosće a nazhonjenja na polu sociolinguistiskeho slědźenja
• znajomosće na polu serbskeje kultury a mjeńšinowych rěčow w Europje
• nazhonjenja na polu přewjedźenja studije etnolinguistiskeje witality
• ertne a pisomne wobknježenje hornjoserbšćiny
• jara dobre komunikaciske zamóžnosće a zwólniwosć w teamje dźěłać

Dźěłowy čas wučinja wokomiknje 10 hodźinow wob tydźeń, wobmjezowane hač do 31. decembra 2024.
Mzdu płaćimy po TV-L. Dźěłowe městno je w Budyšinje.

Na požadanje ćežkozbrašenych při jenakich kmanosćach prěnjorjadnje dźiwamy.

Maće-li zajim za nowe wužadanje, potom požadajće so prošu hač do 20. februara 2023 ze swojimi dospołnymi podłožkami w zarjadnistwje Domowiny w Budyšinje:

Domowina – Zwjazk Łužiskich Serbow z. t.
Judit Šołćina
Póstowe naměsto 2
02625 Budyšin

sekretariat@domowina.de