termin turněra: 29. měrca 2025

městnosć: sportowa hala w Radworju

čas: 9 do 16 hodź.

zarjadowar: Serbski Sokoł z.t.

wuhotowar: ST 1922 Radwor, Škit Budyšin z.t., Mustwo 1296

kontaktna adresa: serbski-sokol@gmx.de

zaměr turněra: Pod sokołskim hesłom „Sportej a narodej – zdar!“ chcemy so k lóštnemu sportowanju a wjesołej zaba-wje zetkać. Zdobom chcemy styki mjez serbskimi wolejbulistkami a wolejbulistami a dalšimi sportowčemi a sportowcami skrućić a k popularizowanju Serbskeho Sokoła přinošować.

přeprošene mustwa: Na turněr su na dotalnych turněrach wobdźělene mustwa a nowačcy přeprošene. Wolejbulowe cyłki z Pólskeje, Čěskeje a dalšich słowjanskich krajow su lubje witane, runje tak kaž zastupnistwa narodnych mjeńšin Europy. Kóždy, kiž so do jednoho mustwa zarjaduje, njech so w swójbje sportowcow derje čuje.

woprawnjeni hrajerjo: Turněr je ludosportowe zarjadowanje. Tohodla smědźa so na nim prěnjorjadnje hrajerjo/hrajerki ludosportoweje a wokrjesneje runiny wobdźělić. W kóždym mustwje smě jedyn aktiwny hrajer nadwokrjesneje runiny nastupić. K tomu liča tež ći, kiž su hižo raz na wobwodnej runinje abo wyše hrali. To płaći za muži hač do 45 lět, ale nic za žony. Hrać smědźa wšitcy nad 16 lětami, z pisomnej dowolnosću staršeju tež młódši. Přećiwo njezbožam ma so kóždy wobdźělnik sam zawěsćić.

zestawa mustwow: Kóždemu mustwu přisłuša znajmjeńša pjeć (wšitcy pjećo dyrbja na hrajnišću stać a hrać) a maksimalnje dźesać hrajerjow. Měšane mustwa mužow a žonow su dowolene. Jednotliwc smě w běhu turněra jenož w jednym mustwje nastupić.

Zapłaćenje startoweho pjenjeza we wysokosći 30 eurow na konto Serbskeho Sokoła je zdobom zwjazowace přizjewjenje mustwa.

konto: Kreissparkasse Bautzen,
IBAN: DE31 8555 0000 1000 0983 77,
SWIFT-BIC: SOLADES1BAT,
mějićel konta: Serbski Sokoł z.t..

Pola wužiwanskeho zaměra prošu podać mjeno mustwa, zamołwiteho a mailowu adresu zamołwiteho. Šulerske cyłki startowy pjenjez płaćić njetrjebaja, dyrbja pak so na horjeka mjenowanej kontaktnej adresy přizjewić.

modus wubědźowanja: Konkretny modus je wot ličby přizjewjenych mustwow wotwisny a so při wulosowanju skupinow wozjewi. Na čas so hrać njebudźe, ale kaž hižo na zašłych třoch turněrach na dypki. Městna so hač do poslednjeho wuhraja. Wysokosć saka: 2,43 m

sudnicy: Plan sudnikow/sudniskich cyłkow so z hrajnym planom wupowěsnje.

hruby wotběh: Hala je wot 9 do 16 hodźin přistupna. Mustwa njech hač do 8.45 hodź. dojědu. Zahajimy turněr w 9.00 hodź. z witanjom, předkoło započnje so 9.15 hodź. Po turněrje stej mytowanje dobyćerjow a zhromadna bjesada zaplanowanej. Ćělne zastaranje budźe zaručene.

termin přizjewjenja: 22. februar 2025. Při přepokazanju startoweho pjenjeza prošu pola „Verwendungszweck“ zamołwiteho za mustwo podać a mailowu adresu zamołwiteho.

 termin a městnosć wulosowanja: so hišće podatej

Jan Hrjehor, starosta Serbskeho Sokoła