Wuslědki fachoweje konferency online přistupne

Dypkownje do nazymskich prózdnin w Sakskej přeprosyštej Serbske šulske towarstwo a Domowina na 2. fachowu konferencu, kotraž wotmě so tydźenja štwórtk w Budyskim Serbskim muzeju, kaž tež w Dźiwadle na hrodźe. Pod hesłom “Dyrbimy rěčeć” zaběrachu so něhdźe 75 zajimčow a zajimcow na kubłanskej konferency z přechodom wot pěstowarnje do šule.

Hłowna referentka Angelika Heimann ze Šěrachowa wuzběhny wužadanja “spěšnosće žiwjenja, pod kotrejž dźěći ćerpja”. Móžne sćěhi, kaž mučnota abo njekoncentrowanosć pola dźěći haća wuspěšny start w šuli. Při wšěm časowym ćišću radźi fachowča wučerkam a wučerjam, sej za šulskich nowačkow dosć časa wzać a je indiwiduelnje spěchować.

Referentce šulskeho towarstwa danskeje mjeńšiny “Dansk Skoleforening for Sydslesvig” Linda Skrydstrup a Tanja Bøgen Jensen předstajištej wudźěłany koncept za předšulske lěto, kotryž předwidźi w tutym wusku kooperaciju mjez pěstowarnju a šulu. Na tajku nawjazaja tež wuslědki naprašowanja w šulach a pěstowarnjach w Delnjej Łužicy, kotrež je Witaj- sobudźěłaćerka Gunda Heyderowa přewjedła. Tak je so dźěłowa skupina wutworiła, kotraž mjez druhim trěbne materialije za přechodny čas zestaja.

Njewotwisnje wot dźěłoweje skupiny stej tež logopedowka Maria Matccyna a grafikarka Christin Lukašowa zestajiłoj dźěłowy zešiwk "SUPER předšula". Tutón měri so na pěstowarske dźěći kaž tež na dźěći prěnjeho lětnika a hodźi so w kubłanskim dźěle wužiwać. Ideja za zestajenje zešiwka bu 2021 wot spěchowanskeho wubědźowanja SIMUL+ wuznamjenjena. Dalše wuslědki dźěłowych skupin a někotre impresije konferency nańdźeće na webstronje https://tinyurl.com/dyrbimyrecec.

+++

Ergebnisse der Fachkonferenz sind online 

Pünktlich vor den Herbstferien in Sachsen luden der Sorbische Schulverein und die Domowina zur 2. Fachkonferenz ein, welche vergangenen Donnerstag im Sorbischen Museum sowie im Deutsch-sorbischen Volkstheater in Bautzen stattfand. Unter dem Motto “Wir müssen reden” beschäftigten sich rund 75 Interessentinnen und Interessenten auf der Bildungskonferenz mit dem Übergang vom Kindergarten in die Schule.

Hauptreferentin Angelika Heimann aus Schirgiswalde betonte die Herausforderungen der "Schnellebigkeit, unter der Kinder leiden". Mögliche Folgen dieser, wie Müdigkeit oder Unkonzentriertheit der Kinder behindern einen erfolgreichen Start in der Schule. Bei allem Zeitdruck rät die Fachfrau Lehrerinnen und Lehrern, sich für Schulanfänger genug Zeit zu nehmen und sie individuell zu fördern.

Die Referentinnen des Schulvereins der dänischen Minderheit “Dansk Skoleforening for Sydslesvig“ Linda Skrydstrup und Tanja Bøgen Jensen stellten das ausgearbeitete Konzept für das Vorschuljahr vor, welches in diesem eine enge Kooperation zwischen Kindergarten und Schule vorsieht. An eine solche knüpfen auch Ergebnisse der Umfrage in Schulen und Kindertagesstätten in der Niederlausitz an, die Witaj-Mitarbeiterin Gunda Heyder durchgeführt hat. So wurde eine Arbeitsgruppe gebildet, die unter anderem die notwendigen Materialien für die Übergangszeit zusammenstellt.

Unabhängig von der Arbeitsgruppe haben die Logopädin Maria Matzke und die Grafikerin Christin Lukasch das Arbeitsheft "SUPER Vorschule" zusammengestellt. Dieses richtet sich sowohl an Kindergartenkinder als auch an Kinder der ersten Klasse und kann in der Erziehungsarbeit genutzt werden. Die Idee für die Zusammenstellung des Heftes wurde 2021 vom Förderwettbewerb SIMUL+ ausgezeichnet. Weitere Ergebnisse der Arbeitsgruppen und einige Impressionen der Konferenz finden Sie auf der Webseite https://tinyurl.com/dyrbimyrecec.