8. głowna zgromaźina župy Jakub Lorenc-Zalěski z.t. 25.10.2023 w Serbskem kulturnem centrumje w Slěpem

W rozpšawje jo se wósebnje z wuspěchami rewitalizacije serbskeje rěcy, z dobrym źěłom kupkow a towaristwow ako teke powšyknje k strukturnej změnje zaběrało. Župa jo se pśed 10 lětami załožyła. Pśi góźbje toś togo jubileja jo se Manfred Hermaš za swójo zasłužbne statkowanja wucesćił.

Holger Mäkelburg jo dostał lětosa Cesne znamuško Domowiny. Dawid Statnik jo je jomu we wobłuku župneje głowneje zgromaźiny pśepódał.
Dale su se źěłowe śěžyšća za lěta 2023 - 2025 póstajili. Śěžyšća laže how pśi rewitalizaciji serbskeje rěcy a wutwórjenju rěcnych rumow w zgromadnem źěle z Rěcnym centrumom Witaj a rěcnymi motiwatorami Domowiny, dłujkodobne zawěsćenje serbskich institucijow we wobłuku statkowanja župy we wobłuku strukturneje změny a natwarjenja zjawnostnego źěła.

Fota: Domowina

pśedsedaŕ Domowiny Dawid Statnik, lawreat Holger Mäkelburg, Angelika Balccyna, Diana Maticowa

foto deleka: Stephanie Bierholdtowa, Manfred Hermaš, Diana Maticowa