Čłonojo serbskich gremijow so zaměrnišo wothłosuja
Strukturne wuwiće Łužicy wobwliwuje tež ramikowe wuměnjenje dalšeje eksistency serbskeje rěče a z tym serbskeho ludu. Tohodla widźa čłonojo serbskich gremijow, prezidija Domowiny, Rady za nastupnosći Serbow w Kraju Bramborska, Serbskeje rady Sakskeje a serbscy čłonojo rady Załožby za serbski lud potrjebu, wobdźělenje Serbow na wšěch planowanskich procesach na zawjazowace wašnje zakótwić. To bě wuslědk zetkanja, kotrež přewjedźeše so dnja 04.12.2017 w Serbskim domje w Budyšinje.Po mjezsobnym rozprawjenju su so wobdźělnicy na to dojednali, so zaměrniso wo zaměrach a zasadach zastupnistwa serbskich zajimow we woběmaj krajomaj a na zwjazkowej runinje wothłosować. W diskusiji su so wobdźělnicy na sćěhowace směrnicy dźěławosće dorozumili:1. Při kubłanskej a kulturnej politice steji spěchowanje rěče a rěčnych rumow w srjedźišću.2. Rěčna a kulturna wšelakorosć serbskich kónčin we Łužicy je wulke bohatstwo, kotrež chcemy zaměrnišo podpěrować. 3. Serbske gremije kooperuja na dobro serbskeho ludu w a zwonka serbskeho sydlenskeho ruma. Dorozumili su so, lěty plan 2018 zestajić a dalše zetkanje přihotować. 04.12.2017 W mjenje přitomnych – Dawid Statnik, předsyda Domowiny
Kommentare und Antworten
Božena Šimanec/Schiemann
nowinska rěčnica/
casnikarska powědaŕka/
Pressesprecherin
Domowina z. t./
Domowina – Bund Lausitzer Sorben e. V.
tel.: 03591 / 550 202
Sei der erste der kommentiert