Direktor „zelenu swěcu“ dóstał – Zwjazkowe předsydstwo Domowiny je 4. serbskeho naměstnika ze Sakskeje do Załožboweje rady woliło

Trjebin. W srjedźišću dźensnišeho posedźenja zwjazkoweho předsydstwa stejachu mjez druhim wólby štwórteho serbskeho naměstnika ze Swobodneho stata Sakska do Rady Załožby za serbski lud za dobu 2023-2027.

„Dyrbimy nětko košle wuhornyć.“, tak kandidat Jan Hrjehor, direktor Slepjanskeje wyšeje šule, k swojej motiwacij. „Widźu so jako wójmidło mjez Delnjej a Hornjej Łužicu a chcu so do dźěła dać.“ W tajnych wólbach wuzwolichu čłonojo zwjazkoweho předsydstwa na městnje a digitalnje jednohłosnje štwórteho serbskeho naměstnika ze Sakskeje do Rady Załožby za serbski lud.

Dale rozprawješe Marko Suchy, předsyda Serbskeje rady Sakskeje wo dotalnej dźěłałosći we wólbnej dobje 2019-2024. Tak wuzběhny wón dobre zhromadne dźěło w gremiju a pokaza na wuspěchi, kaž na přikład zarjadowanje swójskeje jednaćelnje rady, kotraž ma dźěławosć tuteje polěpšić.

We wobłuku wobzamknjenjow pomjenowaše zwjazkowe předsydstwo sćěhowacych zastupjerjow Domowiny w mjezynarodnym zjednoćenstwje organizatorow folklornych festiwalow CIOFF: Marka Kowarja jako předsydu přihotowanskeho wuběrka Mjezynarodneho folklorneho festiwala „Łužica/Łužyca“, Clemensa Škodu jako zastupjerja Domowiny a Heike Apeltowu jako zastupjerku župy Delnja Łužica.

Do wuběrka za nutřkownu demokratiju a serbsku ciwilnu towaršnosć powoła zwjazkowe předsydstwo slědowacych fachowcow: Romana Krala, Francisku Grajcarekec, Mateja Marka, Maksimiliana Hasackeho, Sonju Hrjehorjowu, Clemensa Škodu a Lawrenciju Hawšec.

Referent za kulturu a wukraj Clemens Škoda poda zwjazkowemu předsydstwu zjimanje wuradźowanjow w kulturnym wuběrku nastupajo imaterielne kulturne herbstwo “Swjedźenje a nałožki Łužiskich Serbow w běhu lěta”. Čłonojo gremija wopodstatnichu namjet wuběrka, němskej UNESCO-komisiji předpřipowědźenje zapodać a z tym móžnosće požadanja serbskich nałožkow za swětowu lisćinu imaterielneho kulturneho herbstwa pruwować.

+++

Direktor erhält „grünes Licht“– Der Bundesvorstand wählt 4. sorbischen Stellvertreter aus Sachsen in den Stiftungsrat

Trjebin/Trebendorf. Im Mittelpunkt der heutigen Bundesvorstandssitzung der Domowina standen unter anderem die Wahl eines vierten sorbischen Stellvertreters aus dem Freistaat Sachsen in den Rat der Stiftung für das sorbische Volk für die Periode 2023-2027.

„Wir müssen jetzt die Hemden hochkrempeln“, so der aufgestellte Kandidat und Schulleiter der Sorbischen Oberschule “Dr. Maria Grollmuß” in Schleife Jan Hrjehor über seine Motivation. „Ich sehe mich als Bindeglied zwischen der Nieder- und Oberlausitz und möchte die Arbeit aufnehmen.“ In geheimen Wahlen wählten daraufhin die Mitglieder des Bundesvorstandes vor Ort und digital einstimmig den vierten sorbischen Stellvertreter aus Sachsen in den Rat der Stiftung für das sorbische Volk.

Des Weiteren berichtete Marko Suchy als Vorsitzender des Rates für sorbische Angelegenheiten in Sachsen über die bisherige Tätigkeit des Gremiums in der Wahlperiode 2019-2024. So betonte er die gute Zusammenarbeit innerhalb des Gremiums und verwies auf Erfolge, wie zum Beispiel die Einrichtung einer Geschäftsstelle, welche die Tätigkeit des Rates unterstützen soll.

Im Rahmen der Beschlüsse benannte der Bundesvorstand folgende Vertreter der Domowina in der internationalen Vereinigung der Organisatoren der Folklorefestivals CIOFF: Marko Kowar als Vorsitzenden des Vorbereitungskomitees des Internationalen Folklorefestivals „Łužica/Łužyca“, Clemens Škoda als Vertreter der Domowina und Heike Apelt als Vertreterin des Regionalverbandes Niederlausitz.

In den Ausschuss für innere Demokratie und sorbische Zivilgesellschaft berief der Bundesvorstand folgende Personen: Roman Kral, Franciska Grajcarekec, Matej Mark, Maksimilian Hasacki, Sonja Hrjehorjowa, Clemens Škoda und Lawrencija Hawšec.
Der Kultur- und Auslandsreferent Clemens Škoda stellte dem Bundesvorstand eine Zusammenfassung des Kulturausschusses bezüglich des immateriellen Kulturerbes „Die gesellschaftlichen Bräuche und Feste der Lausitzer Sorben im Jahreslauf“ vor. Das Gremium fasste den Beschluss, diese der deutschen UNESCO-Kommission als Vorankündigung einzureichen und somit eine Bewerbung für das Weltkulturerbe zu prüfen.

Foto: Domowina/Božena Šimanec