Dnja 14. nowembra wotměje so w Berlinje demonstracija zastupjerjow komunow za lěpše wobkedźbowanje Łužicy w Zakonju za zesylnjenje struktury (Strukturstärkungsgesetz). Ju organizuje Łužiske koło – komunalny zwjazk za strukturne wuwiće. Zaměr je, zo bychu so žadanja a doporučenja potrjechenych braniborskich a sakskich komunow wot zwjazkoweho sejma a knježerstwa na wědomje wzali a so w mjenowanym zakonju wotbłyšćowali. Demonstracija zahaji so w 10 hodź. na forumje před kanclerskim zarjadom, Willy-Brandtowa-dróha. Łužiske koło je měšćanostow, wjesnjanostow a zjawnosć namołwiło, so na demonstraciji wobdźělić. Wone organizuje tež busy (plan wotjězda hl. deleka). Zajimcy, kiž chcedźa z busami sobu jěć, njech so prošu jara spěšnje pola koordinatora Martina Mogela w Grodkowkskej radnicy přizjewja (telefon: 03563 340-109, e-mail: m.mogel@stadt-spremberg.de, internet: www.lausitzrunde.com).Předsyda Domowiny Dawid Statnik namołwja, so na tutej demonstraciji wobdźělić a so solidarni z tymi wopokazać, kiž na čole komunow steja: “Runja łužiskim komunam tež my Serbja zwěsćamy, zo njebuchu naše namjety w naćisku Zakonja za zesylnjenje struktury wobkedźbowane. Tohodla wobroćimy so na wšěch Serbow a wšěch, kiž su našemu ludej bliske, so na demonstraciji dnja 14. nowembra w Berlinje wobdźělić. Je wažne, zo pokazamy, zo so z tutym zakonjom wuměnjenja za strukturnu změnu w přichodnych lětdźesatkach definuja a do wołoja zlija. Jeli so nam njeporadźi, tu naše zajimy zakótwić, budźe ćežko, Łužicu jako žiwjenjahódny dwurěčny region zachować.” Dalše informacije namakaće w přiłohomaj.Busy z Łužicy do Berlina wotjědu:Bus 1:7:15Uhr Abfahrt Hoyerswerda Lausitzer Platz8:00Uhr Abfahrt Großräschen Bahnhof10:00-15:00Uhr Aufenthalt Bundestag Berlin 17:00Uhr Ankunft Großräschen Bahnhof17:45Uhr Ankunft HoyerswerdaBus 2:7:15Uhr Abfahrt Weißwasser Bahnhof8:00Uhr Abfahrt Spremberg Busbahnhof10:00-15:00Uhr Aufenthalt Bundestag Berlin 17:00Uhr Ankunft Spremberg Busbahnhof17:45Uhr Ankunft Weißwasser BahnhofBus 3:6:50Uhr Abfahrt Bahnhof Guben 7:30Uhr Abfahrt Bahnhof Forst 8:10Uhr Abfahrt Cottbus Busbahnhof 10:00-15:00Uhr Aufenthalt Bundestag Berlin16:50Uhr Ankunft Cottbus Busbahnhof17:30Uhr Ankunft Bahnhof Forst18:10Uhr Ankunft Bahnhof Guben

Anlage 1

Anlage 2