Jako Zwjazk Łužiskich Serbow zasadźujemy so za zajimy a naležnosće serbskeho ludu. Z wólbnymi forumami poskićamy wolerkam a wolerjam móžnosć, so z prašenjemi w serbskich a regionalnych naležnosćach na direktnych kandidatow wobroćić.

Wutrobnje přeprošamy na slědowace tři zarjadowanja:

Serbske přinoški so simultanje tołmača. Přizjewić so za zarjadowanje njetrjebaće. Wjeselimy so na zajimawe rozmołwy.

Pozadk k wólbam do Sakskeho krajneho sejma

1. septembra 2024 woli so w Swobodnym staće Sakska 8. Sakski krajny sejm na dobu 2024 – 2029. Sakski krajny sejm je legislatiwny organ Swobodneho stata Sakskeje. Wón schwali na př. zakonje za Saksku, dohladuje Sakske statne knježerstwo a wobzamknje sakski etat. Zdobom woli wón wodźacych zastojnikow, mj. dr. ministerskeho prezidenta.