Tež lětsa chcemy zaso na swoje wašnje hódnoćić čestnohamtske dźěło za zachowanje  a zesylnjenje našeju rěčow abo wosebity angažement při hajenju serbskeje kultury a šěrjenju wědy wo Serbach.

Z Mytom Domowiny chcemy počesćić tych, kotřiž so zaměrnje a wuspěšnje za zachowanje serbskeje rěče a kultury, ale tež za wozrodźenje serbskeho žiwjenja zasadźuja.

Myto Domowiny za dorost je připóznaće młodostnym, kotřiž so za serbsku rěč a kulturu horja a to na wosebite wašnje prezentuja. 

Z Čestnym znamješkom Domowiny wuprajimy dźak a připóznaće jednotliwcam za jich zasłužby w towarstwowym dźěle, zwoprawdźejo z tym program a směrnicy Domowiny.

Mytowanske zarjadowanje wotměje so pjatk, 20.10.2023 w Budyšinje.

Hač do 30. junija 2023 maće składnosć mytowanskemu wuběrkej namjety za wuznamjenjenje z Mytom Domowiny, z Mytom Domowiny za dorost a z Čestnym znamješkom Domowiny zapodać a to na slědowacu adresu:

Domowina - Zwjazk Łužiskich Serbow z. t.
Póstowe naměsto 2/Postplatz 2
02625 Budyšin/Bautzen

mejlka: sekretariat@domowina.de abo fax: 03591 42408

Prošu wužiwajće za zapodaće předłohu, kotraž je na webstronje Domowiny składowana: http://www.domowina.de/hsb/domowina/wuberki/mytowanski-wuberk. Tam namakaće tež dalše informacije.

Maće-li prašenja, móžeće so rady direktnje na zarjad Domowiny wobroćić:

Clemens Škoda, referent Domowiny za kulturu a wukraj

clemens.skoda@domowina.de

tel. 03591 550-208 abo 0173 3515440