Tuchwilu přewjedźe so w nadawku Domowiny wobšěrne a anonymne naprašowanje čłonow wšěch serbskich towarstwow a zwjazkow. Dotal je 175 ludźi naprašnik online dospołnje wupjelniło. “Naprašnik wobsahuje tež někotre wotewrjene prašenja, tuž je wotmołwa při computeru abo tableće wo wjele jednoriša hač na papjerje”, praji zastupowaca předsydka zamołwiteho wuběrka Hanka Budarjowa. Trojorěčny naprašnik je wozjewjeny pod www.soscisurvey.de/DomowinaBefragung/.Tola tež analogne naprašniki so wužiwaja: Dotal je 29 čłonow serbskich towarstwow a zwjazkow swoje wupjelnjene naprašniki w zalěpjenej wobalce w zarjedźe Domowiny w Budyšinje wotedało. “Zaručenje anonymnosće je nam wažne, tohodla jara na to hladamy”, tak Hanka Budarjowa. W zašłych dnjach su so naprašniki w dalokej měrje rozdźělili. Zajimcy dóstanu jón we wšěch běrowach Domowiny a móža so při prašenjach přizjewić pola nowinskeje rěčnicy (e-mail: