Štwórtk (10.2.) je so wuběrk Domowiny za prawniske a politiske naležnosće skonstituował. Jako předsydu wuzwolichu Jana Clausena. 20-lětny studuje w Lipsku prawnistwo a je z mandatom župy „Michał Hórnik” z čłonom zwjazkoweho předsydstwa třěšneho zwjazka. Ze stron zarjada je wuběrkej Marcus Końcaŕ, zastupowacy jednaćel Domowiny, poboku. Wuběrk so ze swojim dźěłowym planom a namjetami za eksternych poradźowarjow zaběraše. Hladajo na planowanu wurjadnu hłownu zhromadźiznu Domowiny za zaručenje płaćiwosće modernizowanych wustawkow poruča wuběrk, ju hač do kónca meje přewjeść.

Předstajenje Jana Clausena do wólbow na hłownej zhromadźiznje w blogu Domowiny: https://domowina.blog/2021/05/24/kandidatury-2021-jan-clausen/