Dnja 11.12.2018 wobjedna so w ramiku plenarneho posedźenja krajneho sejma w Drježdźanach tež namjet knježaceju frakcijow CDU a SPD. Po tutym namjetuja knježerstwu, nawjazać rozmołwu ze Zwjazkom a krajom Braniborskeje, zo bychu nowe finančne zrěčenje za załožbu za serbski lud stworili.W běhu diskusije wuprajichu so zapósłancy wšitkich frakcijow mjez druhim k dotalnym spěchowanju, trěbnosći solidneho financowanja a k potrjebje financowanja nowych polow, kaž n.př. digitalizacije.Zwjazkowy sejm namjet jednohłósnje přiwza.Dawid Statnik, předsyda Domowiny k tym: “Witamy namjet a tež, zo je krajny sejm jednohłósnje so za namjet frakcijow wuprajił. Je wažne dočasnje wujednać přichodne finančne zrěčenje, zo bychmy Serbow wukmanili, dotalne a nowe naroki zmištrować. Solidne a stabilne financowanje je zakład za zdźerženje našeje rěče a kultury.”Link na dokument: http://edas.landtag.sachsen.de/viewer.aspx?dok_nr=15469&dok_art=Drs&leg_per=6