Tež lětsa Domowina swoje wuznamjenjenja spožča: Myto Domowiny a Myto Domowiny za dorost, woboje „za čestnohamtske skutkowanje ze wšoserbskim wuznamom“, „za wurjadne wukony w zmysle zdźerženja a spěchowanja Serbstwa“. Po rozsudźe mytowanskeho wuběrka třěšneho zwjazka dóstanu Myto Domowiny:

• Elke Nagelowa z Łaza
• Jurij Šołta z Noweje Wjeski
• Fryco Kšamaŕ z Drjenowa

Lětuši nošer Myta Domowiny za dorost je:

• Damian Dyrlich z Noweje Wjeski

Z čestnym znamješkom Domowiny „za wosebite wukony při zwoprawdźenju programa Domowiny“ so lětsa tući čłonojo narodneje organizacije wuznamjenjeja:

• Friedhard Krawc ze Swóńcy
• Heidemarie Rychtarjowa ze Slepoho
• Bjarnat Deleńk z Njebjelčic
• Christa Dziumblowa z Bórkow
• Torsten Mak z Chóśebuza
• Juro Hanška z Brjazyny
• Silvia Stephanowa z Čorneho Chołmca
• Marja Ošikowa z Pančic-Kukowa
• Jürgen Njek z Chrósćic
• Marka Cyžowa z Lejna

Wuznamjenjenske zarjadowanje so pjatk, 9. oktobra, w 17 hodź. na žurli Serbskeho domu w Budyšinje, Póstowe naměsto 2, započnje. KEDŹBU – wurězk najwažnišich postajenjow: Wuměnjenjow pandemijedla je lětsa jenož někak połojca ličby wobdźělnikow móžna. Městna njesmědźa so w běhu zarjadowanja měnjeć. Fotograf so w nadawku Domowiny wo wobrazy mytowanych stara. Zhromadne foto wšěch wuznamjenjenych lětsa njebudźe. Garderoba k dispoziciji njesteji. Kulturny program je zredukowany. Přichad do a wotchad ze žurle a wotewzaće jědźe jenož ze škitom huby a nosa. Štóž ze stron medijow chce přińć, njech so prošu hnydom pisomnje přizjewi: presse@domowina.de . Su maksimalnje štyri městna za zastupjerjow medijow. Jeli maće konkretne prašenja k wuměnjenjam, steji Wam za zarjadowanje přisłušny referent Domowiny za kulturu a wukraj, Clemens Škoda, rady k dispoziciji: clemens.skoda@domowina.de