Dźensa zetkachu so zastupjerjo Domowiny (jednaćelka Judit Šołćina, referent Clemens Škoda, nawodnica rěčneho centruma Witaj dr. Beata Brězanowa, a předsyda Dawid Statnik) z konsulom Čěskeje republiki, dr. Jozefom Špánikom (3. wotprawa). Wón je nowy naměstnik generalneje konsulki dr. Markéty Meissneroveje (2. wotprawa) Generalneho konsulata Čěskeje republiki w Drježdźanach. Nimo mjezsobneho zeznaća stejachu temy, kaž podpěra Čěskeje republiki z čěskimi wučerjemi, strukturna změna a jeje projekty we Łužicy, kaž tež stawizniske a kulturne styki mjez Čechami a Serbami w fokusu rozmołwy. Generalna konsulka dr. Meissnerová wuzběhnje při tym zajim Generalneho konsulata na serbskich temach a přeje sej dale dobry a stajny kontakt k Serbam. Při tutej składnosći přeprosy předsyda Dawid Statnik wobeju do Łužicy.

foto: Čěski generalny konsulat