Dźensa wopyta nowa generalna konsulka Čěskeje republiki, knjeni Dr. Ivona Valhová, Domowinu. Hłowne ćežišćo rozmołwy bě mjezsobna wuměna a hódnoćenje dobreho poćaha mjez Čěskim a Serbskim ludom. Předsyda Domowiny Dawid Statnik podźakowa so wutrobnje za to, zo Čěska hižo wjele lěta čěskich wučerjow do Łužicy sćele. Wobaj partneraj, Čěski generalny konsulat a třěšny zwjazk, chcetaj dale wobstajnje kooperować. Nimo toho zajimowaše so knjeni Dr. Valhová wosebje za serbsku kulturu, ale prašeše so tež za mjeńšinopolitiskimi pozadkami a aktualnymi wužadanjemi Serbskeho ludu.
Dr. Ivona Valhová je wot septembra tutoho lěta generalna konsulka ministerstwa za wonkowne naležnosće Čěskeje republiki.

Foto: Domowina/Clemens Škoda