Lubowarjo duchowneje hudźby smědźa so na wosebitu chłóšćenku wjeselić. Po 25 lětach zaklinči zaso oratorij „Israelowa zrudoba a tróšt“ wot Korle Awgusta Kocora. Komponist sam je tež słowa ze Stareho zakonja wupytał. Pod wuměłskim nawodom Judith Kubicec spěwaja chóry Lipa, Meja a Serbskeho ludoweho ansambla (SLA) a hraje orchester SLA z hudźbnikami „Sinfonietty“ z Drježdźan. Solisća su Romy Petrick (sopran), Britta Schwarz (alt), Jens-Uwe Mürner (tenor) a ko­morny spěwar profesor Matthias Henneberg (bas). Dwurěčny tekstowy zešiwk so wšěm poskići. Wšitcy su wutrobnje přeprošeni na předstajeni duchowneho oratorija „Israelowa zrudoba a tróšt“ – sobotu, 6. apryla, w 19 hodź. do Chróšćanskeje cyrkwje a njedźelu, 7. apryla, w 17 hodź. do Drježdźanskeje Křižneje cyrkwje. Twórba zaklinči w orchestralnym wobdźěłanju Stefana Malzewa.W Chrósćicach je zastup darmotny, po koncerće pak zběrka při durjach. W Křižnej cyrkwi w Drježdźanach płaća zastupne lisćiki 20 € na dorosćeneho, 10 € studenća / wučomnicy, dźěći darmotnje. Kategorije žane njebudu, tak zo móže sej kóždy swoje městno sam wuzwolić.Download: Plakat jako PDF