Prezidij je na swojim dźensnišim posedźenju w Budyšinje mjez druhim chór MEJA z. t. na jězbu do Baški delegował. W času wot 04.-06.10.2024 pojědźe chór do Čěskeje, zo by mjez druhim z tamnišim chórom Lašský Smíšený Pěvecký Sbor koncertował.

Na přichodnym FUEN kongresu, kotryž budźe 19.-22.09.2024 w Husumje (Sewjerna Friziska) wobdźěli so prezidij Domowiny. Nimo toho přidruži so jako bywši dołholětny čłon prezidija FUEN, Bjarnat Cyž, kiž porěči w ramiku swjedźenskeho zarjadowanja k 75. lětnemu wobstaću mjeńšinoweje organizacije.

Na dźěłowym planje dźensnišeho posedźenja stejachu mjez druhim přihoty za přichodne posedźenje zwjazkoweho předsydstwa, kotrež budźe pjatk, 27.09.2024 w Slepom, kaž tež klětuša hłowna zhromadźizna Domowiny.