Štwórtk, 22. awgusta, 19.30 hodź. w Michałskej cyrkwi w Budyšinje Składnostnje 400lětneho jubileja Michałskeje wosady wěnuja so wšelacy awtorojo twarskim stawiznam cyrkwje, wosadnemu wuwiću hač do přitomnosće, wosadnym wsam a wosobam, kiž su z wosadu zwjazani. Kniha je drje w němskej rěči spisana, tola nimale wšudźe jewja so serbske stawizny a serbska přitomnosć wosady. Wozjewjene su tež wjacore awtobiografiske teksty, tak wot Serbow, kotřiž přestupichu k bratrowskej wosadźe, ale tež dopomnjenki Michałskeho kantora Jana Awgusta Kaplerja a Hodźijskeho fararja Jana Křižana. Na knižnej premjerje wustupi Consonare St. Michael. Wosadni instrumentalisća zahraja spěwy a reje z Kraloweho huslerskeho spěwnika, kiž je w Michałskej wosadźe nastał.Bohaće ilustrowana kniha wuńdźe w Ludowym nakładnistwje Domowina, płaći 19,90 € a móže so w cyrkwi kupić.Jan Malink