Česćene knjenje, česćeni knježa, lube koleginy a kolegojo,w přichodnym šulskim lěće budźe tomu 70 lět, zo wopytachu serbscy šulerjo jedne lěto dołho gymnazij w Liberecu. Składnostnje tuteje róčnicy organizuje towarstwo Societas Amicuum Liberec (SAL) w regionje Liberec Serbske kulturne lěto 2019−2020. Domowina je do tutoho projekta zapřijata.Nadrobnosće programa kulturneho lěta chcemy Wam rady na zhromadnej nowinarskej rozmołwje přichodny tydźeń štwórtk, 12. septembra w 10 hodź. w Serbskim domje w Budyšinje (stwa 106) předstajić.Waši rozmołwni partnerojo budu předsydka towarstwa Societas Amicuum Liberec (SAL) - Libuše Vítová,awtorka projekta - Ing. Jana Vančatová,koordinatorka projekta - Zlatuše Maťátková,předsyda Domowiny Dawid Statnik a
referent Domowiny za kulturu a wukraj Clemens Škoda.Nowinarska rozmołwa započina z internej prapremjeru filma “To byla pěkná věc” (25 min.) w režiji Jana Myšáka, kotryž je so w nadawku Societas Amicuum Liberec (SAL) składnostnje tuteje róčnicy produkował. Wjeselimy so na Waše wobdźělenje a prosymy hač do 10.9.2019 wo zdźělenku (pod tel. čisłom 03591 550-202 abo e-mail: presse@domowina.de), hač so Wam termin hodźi, wutrobny dźak.