Přichodne posedźenje zwjazkoweho předsydstwa Domowiny so pjatk, 25. nazymnika/nowembra w 17.30 hodź. w Budyšinje wotměje. Kedźbu: Městnosć wuradźowanja je tón raz Serbski ludowy ansambl (SLA), chórowa rumnosć. Adresa: Wonkowna Lawska 2, 02625 Budyšin.

Na dnjowym porjedźe steja mjez druhim rezimej dźěławosće serbskich załožbowych radźićelow za so nachilacu wólbnu periodu a wuhlad na přichodne lěta w tutym gremiju, rozprawa a plan Rěčneho centruma WITAJ. Dnjowy porjad (serbsce a němsce) a wšě předłohi zjawneho dźěla posedźenja su na internetnej stronje Domowiny spřistupne.

Zajimcy móža zjawne posedźenje pak w SLA pak internetnje sćěhować, na stronje a youtube-kanalu třěšneho zwjazka. Štóž ma składnostnje tutoho termina zajim, so na wjedźenju přez ponowjeny twar SLA wobdźělić, njech přińdźe hižo w 16:45 hodź. na dwór ansambla.