Cesćone koleginy a kolegi redakcijow a medijow,w pśedpólu 19. głowneje zgromaźiny Domowiny pśepšosujomy Was wutšobnje na lětosne lětne casnikarske rozgrono dnja 5. měrca, 10.00 góź., do klubownje Serbskego doma w Chóśebuzu, Droga Augusta Bebela 82.Wašej rozgronowej partnarja buźotej pśedsedaŕ Domowiny Dawid Statnik a Marcus Kóńcaŕ, zastupujucy župan župy Dolna Łužyca z.t. a rownocasnje zastupujucy jadnaŕ Domowiny.Głowna zgromaźina Domowiny pśigótujo se za 30. měrc w Chrósćicach. Wóna ma źěło w prědnej połojcy toś teje legislatury bilancěrowaś a nadawki za pśiducej dwě lěśe wobzamknuś. Wažna tema wóstanjo serbskorěcne kubłanje, a to nic jano w Dolnej Łužycy. Wó tom ako teke wó stawje pśigótowanjow XIII. Mjazynarodnego folklornego festiwala “Łužica/Łužyca” comy Was rad informěrowaś. Festiwal z programami tu- a wukrajnych kupkow wótmějo se 4. do 7. julija w Budyšynje, Hochozy a Chrósćicach.Wjaselimy se na Wašo wobźělenje na casnikarskem rozgronje a pšosymy wó krotku informaciju pó móžnosći až do 4. měrca, lěc móžomy z Wami licyś. Rad móžośo za to pśigótowane wótegrono wužywaś, ale teke mejlka abo telefonat dosegajotej.Z pśijaśelnym póstrowjenimBorbora Felberowanowinska rěčnica/Pressesprecherin,
wosobinska referentka předsydy/pers. Referentin des VorsitzendenDomowina z. t./Domowina – Bund Lausitzer Sorben e. V.Póstowe naměsto 2/Postplatz 2, 02625 Budyšin/Bautzentel. +49 3591 550-202presse@domowina.dehttps://www.facebook.com/nowinska.recnicawww.domowina.de